تعبت من زوجي ساعدوني مالي غيركم 💔

انا زوجي جدا يحب المظاهر ويحكم على الناس على هذا وش عنده من مال هذا وش يملك وماهو منصبه وهذا ولد فلان
تتغير نظرته للناس مهما كانوا ناس حقودين وفاسدين بمجرد مايشوف هذا وش عنده فلوس ووش منصبه
انا من قبل الزواج اكره الرجل او الشخص او المرأه اللي يكون تفكيرها كذا احسهم ناس تافهيين جدااا
والله تعبت انا قريب تزوجت وخايفه احمل وكل يوم اعيد النظر في علاقتي معه كثير مضايقني
حتى يوم يخطبني لو ابوي مو منصبه عالي او انا ماكنت عايشه في بيت الحمدالله رب العالمين كله نعمه ماكان خطبني من الاساس عشان يقول للناس انا خذيت بنت فلان وابوها في المكان الفلاني
تعبت ي بنات ورب الكعبه 💔💔💔
مااحب الرجل اللي كذا ولا احب اللي ينظر لناس كذا وكل تفكيره كذا
حتى كل شغله الشغال هذا وش عنده وهذا وش يملك
مع انه مو مقصر معاي بس والله احس متحسره من جوا مدري وش اسوي
يحترم الناس على وش عندهم وش يملكون ويصير يتلصق فيهم ويلوقهم ويتميلح عندهم ويترزز ويحد نفسه على اقصاه عشان ذا الحركات
تعبت والله انا انسانه بسيطه مهما كان وضع اهلي انا بنت بسيطه احب الانسان اللي يعرف معدن الناس ويصادق الناس على معدنهم وقيمتهم الاجتماعيه ونجاحهم وكفاحهم في الحياة واحب الكفاح والنجاح واحب اكتفي باللي عندي عمري ماشفت اللي بيد احد او شفت اللي عند غيري دايم مكتفيه باللي عندي




ساعدوني تكفون لو بكلمه وحده 💔💔💔💔💔💔💔