تعبت من عناده. اللي عندها حل تعطيني

يابنات انا متزوجه لي ست سنين تقريبا. وقبل مااتزوج كان حلمي اتزوج واحد يحبني ومايكسر خاطري. ويطلعني مثل غيري اللي اشوفهم وانا محرومه. تزوجت وعمري ٢٧ يعني متاخره واكيد بفرح.
هو مايقصر عني بالمصروف والاكل. بس حرمني من انه يطلعني مجمع او منتزه. او اي مكان. وعندي منه طفلين يبون يطلعون ويلعبون. حاولت فيه بكل الطرق بس يقول لي مو غصب اطلعك. وانا مااشتهي اطلعك.
قلت له ترا الحرمه تمل. لازم تطلع مع زوجها ونغير جو. انا ماابي منك تتكلف او تدفع. بس لو البر القريب منا. ماياخذ وقت حتى عشر دقايق. ولما يشوفني احاول فيه. يطلع من الشقه ويتركني ويطلع مع اصحابه الديوانيه. او اي مكان هم فيه. واحيان لما يعصب يقول لي عاجبتك عيشتي ولا روحي انقلعي بيت اهلك. انا لااودي ولا اطلع. روحي تزوجي غيري احسن لك يوديك ويجيبك. واذا يوم صارحته وقلت له احبك او اي شي اسوي يقربني منه قال انا مااحبك. يبي يطلع ويرجع ويبيني بس ساكته مااتطلب عليه باي شي
كثير يبكيني لشافني ابي منه شي. بكلامه انه مايحبني.
طيب ليه من وين مخلوق هذا. عجزت منه. ابيه يطلع ويروح ويجي معنا ونحس بوجوده. حتى مايجلس معنا بالشقه بس يلاعب عياله واذا شبع طلع وخلاني
انا تعبت عارفه انه مايبني ومتحملني عشان بس اربي هالعيال
حتى لنا صارت مشكله وكلمه اخوي قال له اذا ماتبيها طلقها رد وقال والعيال ؟!! طيب وانا ؟ ليه مايحس فيني. ليه مايبيني.؟. والله ماني شينه. عشان يعافني.
ماادري ليه مايبي يطلعنا !! هل عشان مايبي يكون معي؟ او مايبي يلتزم بمسؤوليه. او ايش
كل اللي اعرفهم يطلعونهم ازواجهم. ويتمشون. وانا مااحسدهم بس انقهر ليه انا مايطلعني زوجي. ليه حارمني. حتى المشاوير المهمه مايوديني مستشفى الا بالعصب. اخر مره اخوي عصب عليه قال مستشفى شلون ماتبي توديها ؟؟.
لان كلمت اخوي وانا اصيح اقول له تعبانه ومايبي يوديني. ووقتها خلاه يوديني.
الزبده اني احاول بقد الامكان اني اتنازل عن انه يطلعني ويمشيني مع العيال. بس مااقدر. شي بداخلي مو راضي. اني اتنازل.
وش الحل لاهو مطلعني ولا شي ويقول مو انتي اللي تحنين علي وتزنين. ولاهو انتي اللي تمشيني على كيفك.
ولاانا اللي اقدر اتنازل بقرارة نفسي. واقعد ارسل له بالجوال اذا طلع واوصف له مدى انانيته وعدم احساسه
ابي حل لنفسي ولا له. زوجي عنيد جدااا. عجزت منه.
واللي ماعندها حل تدعي ان ربي يسخره لي يمكن ربي يستجيب لها. لاني جد يأست من بروده وتطنيشه لي. من تزوجت ماقد وداني مكان الا بالموووت. واذا وداني رجعني بسرعه ويتمنني
ويمكن بسبب هالبرامج اللي يغازل فيها مايقدر على فرقاهم.
ياكثر ماتحسبت عليه من القهر والجروح اللي سببها لي.