تعبت من هالوضع

مساء الخير يابنات عندي مشكله مأزمتني مررره انا تزوجت ولد عمتي وبيتي جنب بيت اهلي المشكله يابنات ان مافيه احد يزورني ولاازور احد بس امي وعمتي وخوات ماعندي بنات خوالي بنات عماني مااقدراتواصل معهم يأما فيه مشاكل قديمه واللي مابينا مشاكل معهم مااعرفهم لأن عائلتنا مايوصلون الرحم تقولون روحي لحالك مااقدر ولا عندي صديقات كلمت كذا وحده بعد فتره من الأنقطاع (للعلم هم بعد الدراسه ماعاد سألوا عني ولما تواصلت معهم حسيت مايبوني)ومالقيت فيه تفاعل وتركتهم امي مره كبيره وبعد عمتي فمستحيل يروحون مول او كوفي وحنا بعد في قريه يعني مااقدر ادخل نادي او اسجل بدوره او حتى اكمل دراستي السواقه مستحيل اسوق زوجي رافض واوبر وكريم وحتى سواقين مايجون في قريتنا لأنها بعيده ونائيه ولو جاو مستحيل يسمح لي اروح معهم ماعندنا زيارات مع احد لانزور احد ولااحد يزورنا الا حريم كبار يجون امي او عمتي اطلع مع زوجي اي مكان بس انا خاطري يكون لي حياه خاصه فيني صديقات اخوان بنات عم اوخال نجتمع سوى بس ماش مافيه امل طفشت وتعبت اللي جدد علي هالموضوع ان زوجي حاليا مسافر لشغل واشوفه يصور كوفي ومطعم ومقهوره اقول لو فيه احد اطلع معه الفلوس مب مشكله المشكله الروحه تعبت قولولي وش الحل