تعبت نفسيآ ..ارشدوني...

السلام عليكم...
بدخل بموضوعي ع طول...انا وحده عندي طفلين اعمارهم 5 سنوات و3 سنوات...ساكنه بمنطقه فيها اهلي....
المشكله ويمكن اغلبكم مايشوفها مشكله بس من جد سببت لي تعب نفسي...هي انو كل اسبوع لازم اروح ازور اهلي..وطبعا عند اهلي ساكنين اخواني متزووجين..وعندهم اطفال مابين عمر 4 سنوات ول 3 سنوات...ومزعجين بشكل مو طبيعي..وفيهم شقاوه ماحد يتحملهم..ومن اجي انا عندهم يستلمون عيالي مضارب ..ولعب..ماصخ...طبعا انا مااتدخل في لعبهم مع عيالي ولا مضاربتهم. لان عيالي ياخذون حقهم بيدهم..يلعبون معهم واذ تضاربو معهم عيالي يدافعون عن بعض ويوقفون مع بعض...بس المشكله اني انا ما اتحمل ازعاجهم ..والله العظيم من ادخل بيت امي مااجلس ابد بس مطارد وراهم ...واصواتهم توصل اخر الشارع...وامي ماترتاح ابد ..وامهم نفس شي ماتذوق طعم الراحه...
جربنا نجيب لهم العاب بس ابد مافي فايده
جربنا نطلعهم للحوش كمان مافي فايده يرجعون علينا...
..من شافونا حطينا القهوه ..قامو يلعبون بثلاجة القهوه ويسحبون السفره يعني مانقدر نجلس ابد ع القهوه ..كل واحده منا ماسكه فنجان بيدها وتشرب وهي واقفه من كثرة شقاوتهم...اطبعا انا في اقصد عيال اخوي...عيالي مزعجين بس مش زيهم عيالي يخافون مني اذ عصبت عليهم عيالي اخوي يردون على ..والسبب امي وابوي دلعوهم مررره...
الي صار اني صرت اذ رحت لهم ارجع بيتي تعبانه ..صدع وجسمي مكسر ونفسيتي زفت..حتى زوجي قالي وش فيك كانك جاي من حرب...
المهم هالاسبوع قلت ماني رايحه لهم بريح نفسي...كلمت امي وقلت لها ماقدر اجيكم طالعه مع زوجي وعيالي...امي ازعلت مني ليش ماتجين ..ماتدري اني والله العظيم تعبت منهم ..اصلن اذ جيت عند امي مااسولف معهم ولا حتى اشبع من سوالفها بسببهم...فقلت لامي اذ تبغين اجي عيال اخواني لاتندينهم ..قالت لا بناديهم ولاتحطين عقلك بعقل اطفال..قلت يمه تعبت ازعاج ازعاج مو طبيعي...
انا لي سنه تعبانه في القلب..وماحد يدري غير زوجي..انو تعب وزعل ياثر علي ماعلمت امي لانها مره كبيره ومريضه...بس الحين مدري وش الحل ارضي امي وروح لها ولا اريح نفسي ....للعلم اني قلت لامي تعالي عندي نجلس انا وياك ونسوالف ع راحتنا قالت مابجيك الا وعيال اخوك معي..يعني امي تزعل عشان عيال اخوي ..
انا اعرف انهم اطفال وانا كل الاطفال كذا..بس انا وحده تعبانه ماتحمل الازعاج وزعل ...وصرت لا شعوريا اعصب عليهم ...وامهم تزعل اذ عصبت عليهم...بس اتعبوني الله يصلحهم...
عيالي الي هم عيالي اقدر عليهم اذ عصبت منهم قفلت على غرفتي الين اهدء..ويجون يعتذرون مني ..بس عيال اخوي ماقدرت عليهم...واحترت ارضي امي ولا اريح نفسي...لان قررت ماعد اجي بيت اهلي غير مره بشهر ...بس امي راح تزعل تبغني كل اسبوع اجي..مع انها ماتستفيد من جيتي لان طول الواقت اجلس يافلان واجلس ياعلان ..وصراخ وازعاج ومضارب....
وزجة اخوي من تدري اني عند امي ترسل عيالها قبل تجي...ولااقدر اقولها لاترسلهم امي تزعل مني..
...