تعبت يا بنات ابي مشورتكم لي بعد الله

السلام عليكم ورحمة الله وبركاته

أخواتي الغاليات قبل البدء بالموضوع انا اشكي لكم بعد الله بمثابة استشاره بنفجر مو قادره اكتم ، بدخل في الموضوع ع طول وكلي ثقه باذن الله فيكم

انا جامعيه احفظ من القرآن ولله الحمد ماتيسر لي شكلي ولله الحمد والمنّه جميله الله مجملني بأحسن شكل وبيضاء ماشاء الله المهم انا مليت من موضوع خطوباتي اللي ماتتم لأسباب انا ماراح اذكر لكم خطوباتي القديمه جداً بذكر الحديثه فقط انخطبت خلال هالسنه ثلاث مرات ماشاء الله لكن والله تعبت كل خطوبه يطلع لي شي يخرب علي اولا انخطبت لشخص معيد وملتحي وكنت مقتنعه وقبل مايكون رسمي طبعا فجاه امه خطبت له غيري وانصدمت بس قلت الحمدلله لعل الله يحدث بعد ذلك أمرا بعدها بخمس شهور تقريبا تقدم لي اخر وعرفت عنه كل شي وكان ممرض ويمدحونه بس انتظر امه تتصل وفعلا اتصلت وقالت بجيكم بعد العيد وننتظرها وسحححححبت علينا فجاه وانصدمت للمره الثانيه وبكيت صراحه بس رجعت قلت لنفسي الحمدلله أيضاً خير ولا يبتلى الا المؤمن علما اني اجمل من الاثنين اللي تقدموا لكنهم وسيمين ولا ابي اوسوس وأقول عين لا انا ثقتي بالله اكبر من اني اوسوس بس حابه افضفض يمكن احد صار له مثلي وارتاح ،
نجي الان للثالث تقدم حاليا وماشاء الله دارس ووظيفته جميله وفرحت انهم اتصلوا وجو قلت الحمدلله مشت الأمور بسسسس هنا المصيبة يوم شفته والله يابنات ما أتكلم بخلق الله والله العظيم ما استهزأ ابدا هو مو شين بس عجزت أتقبل شكله اعيد اقول مو شين بس ماقدرت أتخيل اسمراني وانا مره بيضاء كني مغربيه وشكله ماعليه صراحه الله يرزقه من واسع فضله شفته بس صوره طبعا مو نظره وبكيت مدري ابكي لان فرحت في مواصفاته وصراحه ظروف بيتنا بعد بس الحمدلله وفي نفس الوقت مو متقبلته احاول احبه مره ماقدرت وخواتي يقولون مو شين لاتتشرطين امي تقول لي والله انه يعني ما احس يناسبك الله يستر عليه
انا خلاص تعبانه مقدر افكر ابي احد يريحني ، ابي كلمه ارتاح فيها جزاكم الله خير