تعرفت على وصارت تحرجني ولا اعرف ارد😔💔

بنات انا منحرجه ومتفشله ولا اعرف ارد وما اعرف وش اقول
وحده معي في التحفيظ كنت اشوف انها حبوبه وطيبه

بس بعدين فجاءه جاء يوم وتقربت مني وسوالفت لي عن حياتها وقالت لي في وحده تقرب لها محتاجه مبلغ لانها بتسوي عمليه الله يشفيها واللي تقرب لها من دوله عربيه
المهم سالفه طويله وقالت اذا حابه تصدقين باللي تقدرين عليه وقلت ان شاءالله حلقه التحفيظ الجايه يعني كانت بعد بكره

والله يابنات احرجتني كل شوي تدق على وترسلي واتساب وانا انصدمت وش عرفها برقمي عرفت انها جابته من القروب
وترسلي كل شوي لا تنسين تجيبين
ولا تنسين تجيبين اللي قلت لك عنه وانه هذي صدقه ولك اجر
يابنات انا مو بخيله والله
بس هي تدري انا ما اشتغل ولا عندي قدره ماليه كبيره هي قالت لي المبلع لعمليه وكان كثيررررر وقالت ادفعي اللي تقدرين عليه وقلت ان شاءالله
بس صارت تحرجني باتصالتها قلت لها انا قلت لك بجيبها قالت بس بذكرك اخافك نسيتي في هاليومين دقت على 3 مرات غير رسايل الواتساب اللي كل شوي وغير الفويسات اللي ترسلها
وجيت للتحفيظ واعطيتها اللي اقدر عليه بس استغفرالله حسيت مو صدقه كاني اعطيتها ابي اسكتها لاني انحرجت والمشكله قالت لي ما طلبت من احد الا منك قلت ليش ؟
قالت لانه ما اعرف الباقين واخاف يحرجوني ويرفضون
يابنات هي اجتماعيه ولو قالت للكل اكيد بتمون عليهم لانه دايم تسوالف وحبوبه بس مدري ليه طلبت مني انا


انا حاسه انها بتعيدها معي مره ثانيه وش اسوي ؟
او كيف اسكتها بس بدون ما اجرحها ابيها تفهم اللي تسويها غلط وما يصير تحرج الشخص وتدق كل شوي وتذكره انه يدفع كذا ما تعتبر صدقه راح اجرها استغفرالله
كيف اوضح لها انه اللي تسويه غلط وراح الاجر ! اخاف تأخذ فكره عني وتوصلها لناس اني ما ابي اتصدق 🤦🏻‍♀️


وغير كذا في مشكله ثانيه
تمنيت انها ما اعرفت رقمي ترسلي تقول دقي على نسمع لبعض دقي نراجع دقي على وتحرجني يعني في اليوم تبيني ادق عليها كذا مره علشان اسمع لها وانا ما اعرف وش اقول هي حافظه بس احسها تبي تسوالف تهربت مره اقول طالعه ومره معزومه ولما اقولها كذا ترسل اخر الليل وتدري من اخر ظهور لي على الواتساب اني قايمه