تعـآلي هالكلام لكل وحده فهالمنتدى .. لكل حزينه .. لكل من تتمنى امنيه .. لا تحزن .. لا

لو كـآن فيج ضيق .. هم .. حزن .. غم .. كرب .. مصيبه .. في قلبج امنيه .. كل شي .. ادخلـي تكفين =) ربج كريم ياشيخه ..






















بعد الجوع شبع
وبعد المرض عافيه
وبعد الفقر غنى
وبعد السجن حريه
وبعد الحزن فرح
وبعد الدمع ابتسامه
وبعد الكرب فرحه
وبعد العسر يسر
بعد العسر يسر
بعد العسر يسر يا اخواتي
بعد العسر يسـر





قبل ما اارحب فيج يا اختي العزيزهـ .. و من دون ما اكتب مقدماات غلاتي .. راح ابدى معاج كلامي .. بذكر الله الحكيم اللي خلقج لحكمه يعلمها هو سبحانه صابتج كل هالهموم لحكمه يعلمها ربي اللي خلقني.. الواحد اللي مافي منه اثنين مافي ديانه قدرت توصل للراحه النفسيه اللي نحن المسلمين نعيشها الحمدالله والشكر لك يارب.. الرحيم اللي يرحمنا يفرج همومنا وينصرنا على اعداءنا ويسترنا في الدنيا والاخرة .. الاحد الجامع اللي يجمع كل وحده بزوجها يجمعها بذريتها يجمعج بنصج الثاني زوجج من وين ما تحتسبين ولا تعلمين مهما قلتي انا وصلت سن اليأس ومستحيل اتزوج وفجأه ب لمحه بصر تلقين نفسج لابسه فستانج الابيض .. المعين اللي يعينا على عبادته وحمده وشكره يعينا على همومنا و كظم غيظنا ..الكريم اللي مايبخل على عبده ما سألناه الا واعطانا ما حمدناه الا و زادنا..
قولي معاي..

لا اله الا الله
استغفر الله واتوب اليه
سبحان الله
الحمدالله
الله اكبر
لا حول ولا قوة الا بالله
حسبي الله ونعم الوكيل




لا اله الا الله
استغفر الله واتوب اليه
سبحان الله
الحمدالله
الله اكبر
لا حول ولا قوة الا بالله
حسبي الله ونعم الوكيل




صورة مخالفه
راح اكتب لج هالموضوع بدم قلبي..بدمع عيني..ب ابتسامه شفاتي..عشانج انتي وبس..اي انتي .. لنفسج..لقلبج..لحياتج..لذاتج.. لانوثتج.. لانج من صنف النساء..اللي وصى فيهم الرسول صلى الله عليه وسلم ..


افضي لي شويه .. ركزي انتباهج معاي..انتي مادخلتي هالموضوع..الا وفي قلبج حتى لو ذرة من الحزن..لا تنكرين.. منو فينا خالي؟؟ ..الله يبعد الحزن عن قلوبنا اجمع يارب ويسعدكم دنيا واخره..

منو فينا ما عاش هموم..تتفاوت..صغيره..وكبيره..اللي امها ماتت..اللي ابوها مات..فينا اليتيمه..فينا العقيمه..فينا اللي مو متزوجه..فينا اللي تدرس..فينا اللي تدور شغل..فينا اللي تستنى اللحظة اللي تبتسم فيها..بس للاسف..هالابتسامه مو راضيه تجيها..

فينا وفينا .. نحن انواع واصناف..الله خلقنا..

تدرون منو اللي خلقنا صح؟؟

الله خلقنا..
الله الكريم
الله الحليم
تحملنا وتحمل ذنوبنا و معاصينا يالله شكبرها من معاصي فينا اللي زنى فينا اللي مابر بوالديه رماهم في دار المسنين من دون مايفكر فيهم فينا وفينا وفينا..الله اعلم..

اقري اسامي ربج و تفكري مو بس تقرين و تمشين عيونج.. لايقص عليج الشيطان يا اختي..اقريهم وتأملي في اسم اسم..بتحسين بقشعريره .. اقري..وبنكمل الموضوع..





مهما كان همج..شكبره..شصغره..تراه عند ربج مايسوى جناح بعوضه..هالدنيا باللي فيها ما تسوى عند ربج جناااح بعوضه..عرفتوا؟؟ هاي البعوضه اللي نحنا البشر نطيرها بهوانا..هالدنيا كللللها اللي مسوين لها قدر ما تسوى عند اللي خلقنا جنااح بعووضه..

ان مع العسر يسـرا
خانج زوجج..تطلقتي..ماتزوجتي..زوجج مات..انتي في مصيبه لا يعلمها الا الله..ما عندج ذرية صالحة..عيالج مايبرون فيج.. ما عندج فلوس..ما عندج بيت..ما عندج اهل..ما عندج ام حنون..

هاذيل كلللللللهم بدنياهم مايسوون عند الله جناح بعوضه

شلون تهتمين..وانتي لج رب

ينزل في جنح الليل




في جنح الليل
الناس نيام
المغفلين نيام
وربهم اللي خلقهم نازل على هالدنيا الفانيه

يسألنا
تخيلوا.. يسألنا رب العباد العظيم الحليم الكريم..يسألنا

الله ينزل إلى سماء الدنيا في ثلث الليل الآخير فيقول هل من سائل فاعطيه هل من داعي فاستجيب له هل من مستغفر فاغفر له


مافيها شي ظبطي منبهج .. وقومي من النوم..بسنا نوم .. بسنا الم .. بسنا حزن
اصحي من الغفله
اصحي
قومي
افرشي سجادتج



اسألي ربج
يعطيـــــــج

ادعي ربج
يستجيـــب لج

استغفري عن ذنوبج
يغفـــرلج


يالله ياارب..شفتوا الكرم.. ونحنا مضايقين وشايلين هم الدنيا على راسنا..وننسى انه في رب فوق اكرم الكرماء مالك الدنيا ومافيها ..


قوووومي
استغفري
سبحي
حمدي
هللي
ادعي بيقين
اوثقي في ربج اوثقي ثقه تاااااااامه
سلمي له نفسج
كوني ل ربج كما يحب الله ان يكون عبده
يكون الله لكي كما تحبين

حبي ربج اوثقي فيه اضمني انه الفرج قاااااااادم..الفررج قااااااادم

الدنيا تغيم
وصدورنا تضيق
لاكن لابد للغيم يروح وينجلي..وتسطع الشمس وتنور حياتنا..





مابقى لاحلامنا الا القليل لتتحقق
مابقى لهمومنا الا القليل ل تنجلي

بس ..


بس يا اختي!!

شلون تبين تتوبين
وانتي تسمعين اغاني
والمكياج قدام هذا وهذا
و النقاب ياريتج تشيلينه لو هذا منظرة!! النقاب مو عشان تبيينين لنا عيونج المكحله و الغمزات للشباب و ساتره نفسج بالنقاب.. لا ياقلبي النقاب مكانه ارقى وارقى وارقى..ما تتخبى وراه الا اللؤلؤه اللي زوجها يتعب ويغوص البحار ويعرض نفسه للمخاطر عشان يفوز بلؤلؤة تربي عياله وتصونه وتصون بيته..
الشعر برا .. مافي حجاب يستره
البنطلون ماسك عليج..اللي يبي يشوف..
ما صنتي نفسج
تتكلمين عن فلانه وفلانه والحش اللهم ياكافي
تحبين فلان مووت وماتقدرين تتركينه والسبب انج ماتقدرين و بس!! نسيتي رب العباد..نسيتي..اغراج بكلامه الحلو قالج احبج..فديتج..بتزوجج..انتي قمر مستحيل افوتج ..طيب وينك؟؟ يلا تعال اتقدملي..بيتنا تدله..انا بنت ناس..انا لي اب عظيم وام عظيمه ربووني..انا جوهره..يا ذيب لا تفكر بكلمتين تملكني و تخليني اخون اهلي واكسر ظهرهم لا والمصيبة تبيني اعصي ربي عشانك انت..من تكون.. تبيني اتزوجني راح اكون حلالك..ماببخل عليك..ولا بتبخل علي..بس حلال يا فلان تسمع ؟؟ حلااااااال
ياما سمعنا قصص وانتي بنفسج بتشوفين اليوم اللي بيخونج فيه بتلقينه راح لصيدة جديده مثلج..استسلمت لكلام معسول..اخرته درب مليان بالالم والشوك..والغدر..والدم..وفي الاخر..لما تصحين من الغفله تلقين نفسج بعيييييده من ربج..ابعد ما يكون..


شلون فهميني
ياحبيبتي
ياقلبي
الدنيا فاااااااانيه
اتمني
وادعي انه الله يرزقج كل اللي تتمنينه ان كان خير لج
لاكن مو معناته انج عايشه حياتج بالمعاصي..والله انا مستغربه..كل ما البنات لقولهم وحده ما تسمع اغاني..ولا ماتكشف نفسها قدام الرجال..قالو مطوعه و معقده ومو عايشه سنها وحياتها

طيب يعني اعيش حياتي بمعاصي؟؟
حبيبتي لا تبيعين اخرتج
عيشي حياتج..بس مو على حساب اخرتج

باجر بنوقف كلنا بنتحاسب جدام الملأ .. لساننا بيتكلم..اصابعي بتتكلم..رجولي بتتكلم..عيوني بتتكلم..شنو شفت..شنو قلت.. في اي درب مشيت..شنو سمعت..

ابدي حياه صحيحه .. عيشي حياتج .. بس بطريقة ترضي ربج..قبل ما تسوين كل شي..اسألي نفسج.. هل هالشي لو سويته راح يرضى ربي عني..


نصيحه مني لج..لا تتركين الاستغفـآر
هالشي تكلمنا عنه بما فيه الكفايه
ربج قال في قرءانه الكريم.. استغفروا وربي راح ينزل علينا الخير مدرااار.. يعني خير ورا خير ورا فرح ورا سعاده..
استغفري


استغفر الله واتوب اليه
استغفر الله واتوب اليه
استغفر الله واتوب اليه

كل مالقيتي نفسج فاضيه..جالسه تطبخين..على وشك النوم..تتسبحين..تلبسين..في السياره..استغفري بقلبج او بلسانج..وابشري بالخير عااد.. عاد انسي الهموم وقتهاا..ابشري ابشري ياقلبي الخير جااج






والحين
نصيحه لكل مهمومه..مكروبه..

صلي قيام الليل..واظبي عليه..بشكل يومي..اي ليش لا ؟ لا تقولين تعب.. يكون فيني نوم.. ياحبيبتي ربج نازل الارض يوميا يستنانا ندعي عشان يستجيب..نطلب عشان يجيب..نستغفر عشان يتوب علينا..لا تفوتين الفرصه..اليوم انا وانتي نتفس..باجر احنا في قبرنا..نتحسف على كل لحظه راحت علينا..كل ثانيه نبكي بدالها دم مو دمع ..





في يوم راح يجينا ونحنا في هالحفره.. لا علينا ولا حوالينا..
لا جمالنا اللي عرضناه قدام اللي يسوى ومايسوى بينفعنا
لا الاغاني والمطربين اللي حبيناهم بينفعونا
لا الشخص اللي حبيناه وكلمناه ع التلفون والماسنجر و قلنا انها علاقه حب بينفعنا بالعكس هو اول واحد بيتخلى عنا ..



والله..والله ثم والله..ما بتفيدج غير مسبحتج اللي سبحتي واستغفرتي فيها.. وقرآنج اللي قريتيه..وامج وابوج اللي بريتيهم..وكل انسان يدعيلج بعد موتج بسبب معاملتج الطيبه..صدقيني..وانتي عارفه هالشي..لاكن الدنيا غرتج بمشاكلها وهمومها..


ابتعدي عن الحرام
ابتعدي عن اللي يغضب ربج


وان كنتي ملتزمه اتأكدي انه من حب ربي لج..ابتلاج..صابتج هموم..ربي من زود ما انه يحبج من كل هالخلق..ابتلاج انتي بذات..يبي يشوف صبرج..ايمانج..يبي يشوفج تدعين له كل يوم..يبي يشوفج تهجرين نومج لجل تدعين له..يبي يشوفج رافعه ايده لج دوم..بيستجيب لج..صدقيني..لاكنه يحبج يبيج تدعينه دوم..وبيي اليوم اللي بتشوفين فيه الفرج من كل مكان


بتتزوجين
بتشوفين الذرية الصالحه
بترزقين بفلوس و وظيفة
بزوج صالح
كلللل اللي تتمنينه



والاهم .. جنه الخلد.. اللي نحنا خالدين فيها..


لا تغرج الدنيا



لا تغرج الدنيا اختي


لا تغرج الدنيا =)









اختي المكروبه
اختي المهمومه
اختي الحزينه


بعد الجوع شبع
وبعد المرض عافيه
وبعد الفقر غنى
وبعد السجن حريه
وبعد الحزن فرح
وبعد الدمع ابتسامه
وبعد الكرب فرحه
وبعد العسر يسر
بعد العسر يسر
بعد العسر يسر يا اخواتي
بعد العسر يسـر



اللهم اتنـا في الدنيا حسنـه وفي الاخره حسنه وقنـا عذاب النـآر


اللهم اجعل الدنيـا اخر همنا .. و الاخره كل همنـا


يا جامع يا جامع يا جامع..اجمع كل فتاه غير متزوجه بالزوج اللذي تتمناه اللذي يكون خيرا لها يارب..


يارب يا رزاق يا كريم يا معطي..اعطي كل محرومه الذرية الصالحة يارب..


يامفرج الهموم والكروب..يا عالم الاسرار..يا خالق الكون والعباد.. فرج هم كل مهمومه


يارب يارب يارب..فرج على بلاد المسلمين .. يارب فرج على بلاد المسلمين..وانصرنا على الظالمين .. والاعداء.. يارب العالمين


يارب ان اخرجنا من حلقه الضيق الى اوسع الطريق يارب


يارب احفظ والدينا يارب واجعلنا بارين بهم .. وارحم الاموات منهم


اللهم اغفر للمؤمنين والمؤمنات المسلمين والمسلمات الاحياء منهم والاموات


اللهم اجعلنا و والدينا وازواجنا واخواننا واخواتنا و ذريتنا ممن تشتاق الجنه لهم يارب وتبتعد فتن الدنيا عنهم يارب


اللهم اني استودعك سائر المسلمين يارب احفظهم يارب احفظهم


الا اله الا انت سبحانكـ اني كنت من الظالمين
لا اله الا انت سبحانك اني كنت من الظالمين