..مساء الخير بدخل بالموضوع
اول شي يا حبيبات قلبي رحت خيطت فستان عروسه .. زي فساتين الباليه ..اللي مرررررررة قصير يعني اقل حركه تبين الـ........:nosweat:
وخيطة معاه طرحه صغنوووووووووونه .. وانا اصلا شعري قاصته الكاريه اللي قصير من ورا وطويل من قدام <<< مدري اش اسمها .. ورحت الكوفيرة وقصرتها و نظفت جسمي واهتميت فيه كاني عروسه ودهنت مسك وبخور وخرابيطنا احنا البنات .. وعملت مكياجي في البيت خفيييييييف زي ماهو يحب ..
وكمان عملت مسكتي بالورد الابيض <<< مو انا عروسه ولا نسيتوووو
هدا بالنسبه لي ...
اما بالنسبة للبيت ....
اول شي قبل المناسبه باسبوع رحت واخترت الكيكه اللي ابغاها لذكرى زواجي وكانت كيكة شكل عروسه لابسه فستان ابيض ..
ورحت اشتريت ورد ابيض وفرطته (( ورد رش ابيض )) .. وبعدين في غرفة النوم فرشة شرشف السرير حق ليلة الدخله .. كان لونه احمر على عودي وذهبي .. ورشيت فوقه ورد ابيض وجهزت البيجاما حق زوجي كمان اللي كان لابسها ليلة الدخله وصندل البيجاما الله يكرمكم<<< ابغى اعيد الذكريات مزبوووووووووووووط .. .. وبخرت الغرفة وجهزتها وقفلت الباب ..
عملت ممر بالورد الابيض والشموع على الجهتين من باب الشقه اليـــن الغرفه اللي مجهزتها للمفاجأة (( للمعلومية : ماكانت غرفة النوم )) ..
ولما يوصل لباب الغرفه اللي انا عامله فيها المفاجأة راح يلاقي ظرف لونه ابيض ملصق على الباب مكتوب عليه :.......... طووووووووووووووووووط ..............<<< مشفر ..
الموهم الزبده انه روح البس البيجاما وفي مفاجأة منتظرتك جوا ..
وبعدين لما يخلص وييجي ويفتح الباب طبعا حتكون الغرفة ظلام بس على الشموع والابجورات اللي في الاركان و راح يلاقي 3 حاجات ..
اول حاجه طاوله تجنننننننن محطوط عليها الكيكه العروسه وعاملتلها ديكور مرة حلو بالولو والورد الابيض الرش واكسسوارات لونها سكري ومفرش وحركات .. وحولين فستان الكيكه العروسه حطيت الشموع البيضا الصغيرة المدورة بشكل دائري حولين الفستان ..
والشي التاني التلفزيون مشغله فيه سي دي زواجي .. <<< الذكريات مع سبق الاصرار والترصد هههههه
والشي
حيلاقي هديه كبيييييييييييييييييييييييييييييييييييييييييييييييي رة كبرها قد كرتون التلاجه .. مغلفه بتغليف ابيض وشرايط بيضا شكلها مررررررررة حلو .. ومحطوط عليها كرت .. مكتوب فيه : ........ طووووووووووووووط ........<<< كمان مشفر ... بس الزبده انه افتح الهديه حتلاقي مع الهديه ورقة صغيره تقولك انا فيــــــن ؟؟؟؟؟
وحيفتح الهديه حيـــــــــلاقــــي هديته ... اللي هي ... انا بفستان العروسه والطرحه والمسكه ..
ما اوصفلكم ردة فعله وفعلي ... انبسطناااااااااا بكل معنى الكلمه ومتنا ضحك وبعد الضحك عشنا اجوااااء رومانسيه ولا احلى ..
والله حسيت نفسي عروسة ... وهو حس انه عريس ..
وتوتا توتا خلصت الحدوتا ..
ان شاء الله ما تكونو ضحكتو عليا ههههههه.. يلاسووها قمراتي هذي موقصتي منقوله بس حطيتها عشان نستفيد ونجربها وحبيتها
ريم اغلى من عمري @rym_aghl_mn_aamry
عضوة فعالة
يلزم عليك تسجيل الدخول أولًا لكتابة تعليق.
عبروش :
وقردي مااختنقتي داخل الكرتونه 😖😖😖😖😖😖😖😖😖 ربي يسعدكم حبيبت.?وقردي مااختنقتي داخل الكرتونه 😖😖😖😖😖😖😖😖😖 ربي يسعدكم حبيبت.?
ههههههههههههههههههههه
الصفحة الأخيرة
مااختنقتي داخل الكرتونه
😖😖😖😖😖😖😖😖😖
ربي يسعدكم حبيبت.?