السلام عليكم ورحمة الله وبركاته ..
أخواتي الغاليات ..
اليوم قررت أعلم بنتي دخول الحمام (اعزكم الله) مع إني حاولت قبل ودايم افقد الامل واهون بس اليوم قررت إني ماراح أرجع للبامبرز ابدا
الا .. اذا خرجت بزياره عند حريم
أو
وقت النوم "اللكل ينصحني أول أعودها بالنهار وبعدين بالليل " وماراح البسها اياها الا وهي نايمه وبحاول انزلها قبل ما تصحى
فاتمنى نتساعد هنا .. وكل وحده منا تكتب تجربتها مع (بنتها او ولدها)
وأ شاء الله يارب اسبوعين ثلاث بالكثير شهر ويتعودون مره
وكمان سمعت ان الطفل اذا تعود مره وبعدين تغيرت عليه الاجواء مثلا "سفر او ولادة الام او اي شي اخر " ينتكس ويرجع مثل اول ما يعرف
مادري من صحة هالكلام ..؟؟!!
يلااااا بانتظار مشاركاتكمم
ربي يسعدكم ويريح بالكم
واللي تدخل الموضوع اتمنى ترفعه وربي يسعدها ويحقق مناهااااا
اليوم لما صحيت بنتي من النوم دخلتها الحمام (اعزكم الله ) وحممتها وخليتها تسوي (ايشو) << لغتنا >>البول (اعزكم الله )
ولما خرجنا من الحمام قلت لها :خلاص بيبي صرتي كبيره وحلوه ما تلبسين حفاظه زي النونو انتي حلوه وشطوووره ومن هالكلام الحلو عاد هي فرحت
ولبستها لبسها وبعد نص ساعه رجعت دخلتها الحمام (اعزكم الله ) بس ما سوت شي غسلتها وقلت لها اذا بتسوين (ايشو ) قولي لماما شاطره بيبي
بعد اقل من نص ساعه عملتها بثيابها وعملت كمان شي ثاني (براز) دخلتها الحما وجلست اقولها ليش انتي كبيره وحلوه عيب تسوين كذا بلبسك عشان ما تصيرين نونو
غيرت لها اللبس وللحين ما سوت شي وبعد شوي بدخلها الحمام وان شاء الله تسوي شي
دعواتكم