تعليقات وكلام جارح للبنات اللى ماتزوجوا

صح لسانك

وجزاك الله خيير

يعطيك العافية ...

قمر فى همر & sorabaya
حياكم الله واسعدنى مروركم الطيب مثلكم :)

معك بكل اللى قلتيه لكن لي تعليق على هذا السطر من كلامك
===
صح ان الزواج ما يعتبر اساس الحياة وان المرأة تقدر تعوض بشغلها وبهواياتها وبحياتها الاجتماعيه وغيرها وغيرها وغيرها
لكن احنا نتكلم عن سنة الحياة
===

ومن قال ان الزواج مو اساس الحياه بالعكس ما اطلق عليه سنة الحياه الا لانه اساس وفوق كذا ما ننسى الأيات اللى بما معناها ان الله خلق للأنفس ازواج ليسكنوا اليها وبرضو اطلق عليه نص الدين فهذا برضو سبب ما نطلق عليه ان الزواج مو اساس

انا عن نفسي اعيب على المره اللى تنظر لحياتها على انها عمل × عمل وترفض اللأزواج بحجة العمل

لكني بالمقابل ما اعيب ابد بل بالعكس اسأل الله لكل امرأه ترغب بالزواج ان يرزقها الله الزوج الصالح اللى يستر عليها ويحفظها ويصونها وتصونه ضاربه عرض الحائط مسؤوليات العمل وهمومه

ولأوصل لكم نقطه مهمه لكن اعذروني على اللى ابقوله فهذا الواقع الله جبل الأنسان على امور ما ستغني عنها كالشرب والأكل وغيره .... طبعا انتوا فاهمين وش اقصد

وهذا سنة الله في البشريه علشان يكثر البشر ويزيد نسلهم

وبرضو عند كل أمراه غريزه حتى قبل لا تصير ام متأصله بها الغريزه وهي غريزة الأمومه هل نعيب على بنت تعبر عن شعورها ورغبتها بتحقيق هذه الغريزه , بالعكس التنفيس احيان كثيره يريح النفس اكثر من الكبت واظهار العكس

مره رحت السوق مع بنت اخوي نتفرج على الألعاب ابشتري لها لعبه المهم ونحوس بالمحل وندور انا امررها على العاب بالكاد ولاديه ما تصلح للبنات والسبب اني مابي اجيب لها دمى لان امي رافضه الدمى بس هي على عناد منها يوم شافت عروسه انهبلت ابيها وابيها والا تاخذها ومع اصرارها جبت امي واقنعتها وخذناها لها وهذا وهي بزر ما تعدت الاربع سنين جالسه تلعب بالعروسه ومسويه انها امها وكل شوي تحط لها الرضاعه وشوي تشيلها ويلا نامي ومدري وش

سردت لكم السالفه هذي علشان ابين لكم ان البنات الصغيرات يميلون للأمومه فكيف بالبنات الكبار

الله يوفقك اختي الغاليه ويستر عليك

والله يرزق كل بنات المسلمين اللى ما تزوجوا بالزوج الصالح اللى يجعله لها قرة عين ويجعلها له قرة عين وان يديم الحب والسعاده بينهم ويرزقهم الذرية الصالحه

--

خارج نطاق الموضوع لكن حبيت اذكره وهو حديث شريف للنبي صلى الله عليه وسلم

"تزوجوا الودود الولود فإني مفاخر بكم الأمم يوم القيامة"

--

وان تشوفون في كلامي اي خطأ فنبهوني

جل من لا يخطىء

شيء أخير اضيفه مره واحد من اخواني قال لنا كلمه وهي ان المره اللى ماتبي زواج ترى مهيب مره

شفتوا هذا رجال شوفوا كيف نظر للمره اللى تطلق على انها ماتبي زواج