تعليقكم.

السلا عليك ورحمه الله وبركاته.
انا عندي اخت اصغر مني ومن يوم واحنا صغار ابوي يقارن بيننا حتى اذكر مره هاوشها وجاء ضربني وانا ماسويت شيء قال عشان ما تزعل هي هالموقف مايروح من باللي.
المهم اختي هذي رغم انها اصغر مني إلا انها ماتحترمني وتحاول تشوفني بابشع صوره اقولكم كيف
مره اختي الصغيره عمرها 11 سنه اخذت جوالها وجلست تتفرج على مسلسلات تركيه وبالبيت كله محد يحب المسلسلات التركيه الا هي بيوم شافتها وهي تتفرج عليها جلست تصارخ علي تقول انتي اللي علمتيها عليها وانا والله المسلسلات بكبرها ما احبها فما بالكم بتركيه وهي تعرف اني ما تفرج عليها بس حطت هالشي علي انا وحاولت اوضح ولا احد اعطاني وجه.



كذا موقف يكون نيتي خير ونيتي اتقرب منها لان يحز بخاطري هالفجوه تكون بيننا تروح تلفه بطريقه انا مدري من وين تجيبها وتقلب الموضوع علي وان نيتي سيئه .
لما نكون عند ناس وابدأ اسولف واضحك تحاول تسكتني ولما اتكلم انا تقاطع بصوت عالي وتبدا تسولف هي وانا اسكت لان لو بسوي زيها يبان للناس ان بيننا مشكله.
فيه موضوع بيني وبين اخوي كنا نتناقش فيه والله انها لفته علي بشكل اللهم يكافي خلتنا بسبه انا واخوي متقاطعين مع اننا ببيت واحد صار لنا شهرين تخييلو.
والله انها تجي عند امي بالغرفه وانا نايمه وتسألها ليش تروح هنا وليش تسوي كذا وانا احاول اخلي كل شيء بيننا رسمي.
لان والله حاولت اصلح مابيننا لين انهد حيلي كل ما حاولت اصلح تطلع موضوع جديد صارلي 7 سنين على هالحال نفسيتي صارت فالحضيض الناس صرت ما اجلس معاها كثير واذا صادف وجلست وهي كانت فيه ما اتكلم والله مافيني حيل .
ما تبغى تشوف اي شيء حلو فيني كم مره احاول اخذ حقي بموضوع هي مالها دخل فيه هي تتدخل ويروح حقي علي وهي ما ترضى اخد يتدخل فيها وتصارخ وتسوي نفسها مجنونه لو اخد تكلم بشيء بينها وبين شخص ثاني .
كل ما تكلمت بشيء تضحك ضحك فيه سخريه وانا يبان علي اني اتأثر واتلعثم بالحكي ما كنت كذا حسبي الله ونعم الوكيل