تعويد الاطفال على الصلاه موضوع للنقاش

سلام
ياعالمي الجميل
حبيت اطرح موضوع للنقاش وخصوصا الامهات الحريصات على صلاه اولادهم
عندي ولدين الله يحفضهم واحد طالع ثاني وواحد سجلته روضه وودي اعودهم على الصلاه بس مدري كيف اول مابدائ ولدي الكبير صف اول كنت حريصه يصلي اذا ابوه مو جود يروح مع ابوه المسجد
والحين من بدت الاجازه بديت احرص انه يصلي طالما هو صاحي وفي المسجد لان المسجد ولله الحمد مقابل بيتي يعني اشوفه وهو يروح وهو راجع وجارنا بعد يروح يصلي فيروح معاه بس وقت نومه مااصحيه مكتفيه بقدر انه اذا صاحي يروح وزوجي مو مقتنع بالفكره يقول باقي صغير اما الصغير عنيد وحاسه انه بيتعبني
الموضوع للنقاش لتعويد اطفالنا على الصلاه
ابي تجاربكم نفيد ونستفيد