تــــعــــالي لوني حيــــــــــاتك معنـــا
بس هل فكرتي انك تقهرين شيطانك وتسوين شيء
عكس إلي يبيه الشيطان
أحنا يامعشر النساء <-- بديت اتكلم فصحى
نحب الشيل والحط ودايماً حساساات وبعد كل إجتماع نسائي نحس بضيق بالتنفس وكآبه من فلانه او
نحس بإنتصار كاذب علشانك قهرتي فلانه بالرد إلي ابرررد قلبك
أو زي هي ماسوت فيني اسوي فيها
أو ماراح اقولهم ولا انفعهم لانهم هم ماينفعوني ولا يقولون لي
أو الرد العدائي إلي لا يمت لروحك العسل بصله
حبيبتي وصديقتي
فكري
أنك إذا احسنتي النيه وتعذرتي لزوجك او لصديقتك او لسلفتك او لخادمتك أو لسين من الناس
وحطيتي مليوون عذر وسكرتي باب القيل والقال بعقلك الرقيق وفرتي على نفسك
تعب وشغل خاطر وتفكير
مايجيك منها إلا السكر والضغط
إذا صدقتي بقولك وحاولتي ماتزيدين ولا تبهرين بسوالفك علشان تجذبين إنتباه الناس لك
كسبتي الثقه
إذا صدقتي مع زوجك ..كسبتي حياتك كلها
حبيبتي لا تقارنين نفسك بأي شخص إنتي فريده من نوعك وماكتبه الله لك يختلف عن أي شخص ثاني
يعني المقارنه بينك وبين اي شيء مايزيدك إلا هم وغيره وكأبه
وإنتي ياقمر مو لازمتك هالمجموعه من الحلات الصعبه
إلي تعيشين نفسك فيها
إذا قلتي انا مسامحه الكل وما ابي إلا التوفيق بحياتي
إنتي بمكسب كبير وماراح تندمين على المسامحه
لانها مردوده بأشياء كثيره ربي يعوض عليك صبرك وتسامحك وعفوك عن الناس
إذا تواضعتي رفعك الله ..وإذا فكرتي على مين انا اشوف نفسي وأتكبر ...ماندري مين احسن عند الله
يعني حتى بعلمك ودينك تواضعي وكوني قريبه ولينه مع من هم اقل منك
لا تقولين رااح يستقلوني ولا راح تروح هيبتي
إنتي مكسبك اكبر مكسبك عند ربي سبحانه
أشياء تشوفينها قدام عينك..
إذا أخلصتي بأي شيء تعملينه
تحسين بالمثاليه والراحه النفسيه
والرضاء عن الذات
أخلصي ببواجباتك الدينية بطبخك وعملك بتربية اولادك بمعاشرة زوجك
وراح تكتشفين ان حياتك المكركبه تترتب وتصير هدوء وسكينه
تذكري إنتي من يملك عقلك لا تدوشينه بكثر الأفكار الحزينه وتزحمينه بقالت فلانه وعلانه ..عيشي حياتك صح
ريلاكس تكسبي راحت عقلك وجسمك وحياتك ومن حولك
اللهم إني أسألك الهداية لي ولمن أحب ولجميع المسلمين والمسلمات
اللهم سهل اموري وأمور كل البنات إلى بالمنتدى وجميع المسلمين والمسلمات
اللهم آمـــين
.
.
.
.
ههههههههه..
وين الفصحى..؟؟!!
الله يجزاتس خير وبارك الله فيتس..ولوبيدي ثبت الموضوع..
الانسان يكفيه رضاه عن نفسه وقبله رضى رب العالمين..
ولو حطينا في بالنا.. إنه كلها أيام وتنتهي هالدنيا وإنا بننتقل لمراحل كل شخص يقول فيها
نفسي نفسي...وإن الدنيا هذي فانية ولا تسوى عند الله جناح بعوضة..
وإن الانسان ما ينفعه إلا عمله الصالح..
لو فكرنا في هذي الاشياء زين وعملنا بها..حياتنا بتكون غير..
راح تكون ملونة بالوان الصفاء والتسامح والتغاضي..
والحب والايثار وكل المعاني السامية..
جعل حياتي وحياتس كلها خير وسعادة..
شكريا..