تـــــــــجــــــــمــــــــــ ع لذوات الوجوه المشفوطه والناشفه والنحيفه

السلام عليكم ورحمة الله وبركاته


بدايه ارحب باعضاء عالم حواء العزيزات


اهلا بكم وسهلا ومرحبا ألف :icon28:


وكل عام وانتم بخير


حبيت افتح ملف لكل اللي يحب ويدور عن منتجات وخلطات وكريمات وحركات لنفخ الخدود :(

وكل جديد بيكون عندنا


اول شي ابحط تجربتي مع المحروسات خدودي

راحت طفولتي وراحت خديداتي معهن :44:


وانا شنيت حمله عليهم يأنا ياهم وشكلهم هم :hahaha:


مااطول عليكم

اول شي بديت بزيت النعناع سمعت انه ينفخ الخدود وصرت احط منه كل ليله ادهن فيه وجهي وانام جلست على هالحال تقريبا شهرين وكم شهر بشكل متقطع

وماشفت نتيجه


ثاني شي قريت عن التفاح انه ينفخ الخدود رحت اكل منه كل يوم حبه بس من جاء رمضان قطعته ولا رجعت له

ثالث شي استعملت قناع الزبادي والخميره والحلبه ماشفت نتيجه للاسف ولزقت ريحة الحلبه بفوطتي لان كان صعب ازالته من وجهي :22:

رابع شي قلت ابجرب الكريمات الجاهزه

جربت كريم من كريستيان ديور جديد بـ225 ريال وخصيصا لنفخ الوجه والشفايف واعطائه الحيويه الخ الخ الخ
جلست عليه شهرين وكلي حماس واتخيل اني ابتغير للاحسن ليوم العيد

بدال ماسمع كلمه طلع لك خدود الكل صار يقول شفيييك ناحفه مبين على وجهك :44:

على فكره انا عمري بس 20 ومن نحف وجهي طالع لي الخطين اللي بين الشفايف اللي من الخشم لحد الشفايف مادري فهمتوها او لا بس هالشي مايطلع الا للي بعد ال30 او بال40 بعد

وانا مب نحيفه بالعكس جسمي كويس ودايم اسمن ووجهي مايتغير ابدا


و سمعت عن امبولات لنفخ الخدود من جيرلان قلت اروح واشتريهم ولما رحت قال لي البياع من قال انهم تبع نفخ الخدود هذولي للوجه التعبان ويعمل عمل التقشير والتجديد ...اشوا اني ماتهورت وشريتهم لان سعرهم بـ750 :mad:



وبالنهايه ابجرب معجون العنبريه لتسمين الوجه وادهنها على وجهي والله يستر



اللي عندها تجربه مفيده او شي جديد بهالخصوص تحب تفيدنا او محتاجه تفضفضي وتنتظرين معنا حلم الخدود المنفوخه فحياك :hahaha: