هلا والله وغلا ..
انا وعدتكم ووعدت نفسي اقول تجربتي ...
رحت اليوم بعد المغرب البازار من يوم دخلت لما طلعت ماجلست الا 5 دقايق كنت انتظر السياره بس
طول الوقت فرفره وخلصت بس مو دقيقه مررره وانا ادور والف
يعني يبي له وقت اكثر بصراحه كل مكان فيه شغل خطير
فيه الغااااالي وفيه الرخيص
اللي داخل الملابس غاااااليه بعضها ااابد مايستاهل وبعضها تدفينه ويمشي
بس اللي برى الملابس ارخص .. اللي عجبني بصراحه برى ..
مصممه ام فيصل .. عجبني شغلها مررره يعني رخيصه وذوق وحبوبه
لقيت بلوزه اعجبتني 170 وقلت لو ابيها تيور تفصلين لي معها تنوره قالت بتكون كلها 250 ريال يعني شي خطيرر والبلوزه فيها شغل ..
لقيت لبس مررره عجبني ليموني واللي داخل احمر .. بـ 400 مدري 450 حلوو سعره بس المشكله اللي داخل بنطلون وماالبس بناطيل ..
ولو غيرت وصارت تنوره بتكون موو شي
وشفت عندها بعد لبس لونه احمر حلو بعد بـ 400 اعتقد وفيه كرستال لقيت يشبه له عند وحده ثانيه بدون الداخلي .. 600 مدري 700 ومافيه كرستال بعد
لقيت بنوتات يجننون يبيعون ملابس من تصميمهم يقولون ..
اخذت قطعتين بس هذي اسمحو لي ماصورتها .. وحده منهم قطعه مستطيله يعني لما شفتها اقول وش هذي
بس لما لبسوها صارت تنلبس بثلاث طرق يعني عندك ثلاث موديلات
.....
المشتروات اللي بعرضها لكم ...
صابون عجبني ومجنونه اخذت كثير هذي صورته اللي منثور هو الصابون
شريته من وحده برى ولقيته بعد عند تجرونه صغيرونه فديتها ..
العلبه بـ 5 ريال اخذتها
اخذت املاح للجسم يقولون تغير لون المويه بالبانيو وتعطي استرخاء وريحه حلوه
بعد مجنونه اخذت كذا واحد
اخذت اسواره جايه مقسمه ثلاث الوان طوويله تنلف عالايد ولو فيه ساعه تلفينها بعد عالساعه تعطي منظر حلو .. بـ 10 اعتقد مدري 15 نسيت والله
اخذت حلق من وحده حبوبه داخل اخذته بـ 10 ريال
اخذت بعد من عندها سلسال بس مو واضح حيل لكم بالتصوير هذا اللي قدرت عليه جاي قطعيتن فوق بعض اللي فوق مفرغه على شكل ورده واللي تحت نفس مكان التفريغ محشو بكرستال
ومكتوب عليه شانيل اخذته بـ 25 ريال
اخذت ميداليه عند وحده داخل بـ 20ريال عندها ميداليات ناعمه بس التصوير ماخدمني بعد
واخر شي اخذت قلوسات من وحده تبيعهم من ماك
الواحد بـ 30 ريال اخذت 4الوان فوشي وثاني شفاف بس بلمعه واحد عالاورنج شوي واحد مدري وش لونه انتم شوفو شوي بين الاورنج وبين الوردي وفيه جليتر
هذي جميع مشترواتي مع علبه مويه بريااال
بصراحه انبسطت حييل فيه وانا متوقعته اسوء ..عجبني البنوتات القمر وتعاملهم الراقي
فيه شوي غلا بس مو كل شي ..
فيه تفاوت بالاسعار بس يبي لك تدققين
جربو البازار اخر يوم هو يوم الخميس
وش رايكم اللي رحتو تعرضون بعد انتم مشترياتكم؟؟؟
وكل عام وانتم بخخخخخخخخخخخخخخخخخخخخخخخخخخخخخخخخخخخخخخخخخخخخخير