تقولي داعشيه!!

السلام عليكم
والله اكتب لكم وانا احس بشي كابت على صدري
من القهر
انا كبيره حول ٣٠ عندي اخت عمرها٢٠
ي بنات قسم اخاف عليها
لان تفكيرها احد جالس يلعب فيه
واكتشفت ان اللي تلعب عليها صديقتها
يعني. دايم. مثلا اذا رحنا جده الرياض
تتمسخر تقول انتم استغفر الله
تزوحون للمطاعم بس !!
اقولها وين تبين نروح؟؟
تقول نبي حفلات نبي اغاني
نبي اشياء مختلطه
ترفض تتغطى تتحجب
بالاماكن العامه بالرياض وجده وتقول
انتم معقدين اذا اخواني قعدو يخانقون
ويقولون تغطي
يعني راكبه راسها
اتفقنا نروح للرياض حنا وبنات خالي
وبنات خالي جدا عاقلات
مو عاجبها الوضع
تقول يطفشوو
نظامهم مطاعم ويرجعون بدري
ولا يحبون مكياج ىلا يستهبلون ولا شي
فجاه كلمتها صديقتها اللي قلت لكم عنها
هي لافه عقلها
قالت اذا بتروحين بحاول باخوي يجيبني
او بروح معك بالطياره انا رفضت تروح معنا
لان اعرف ابوها يحط اي عيب ببنته بالناس
قالت البنت خلاص بجي مع اخوي بس بشرط
تقول لاختي
باخذك طول اليوم لين اخر الليل ارجعك
وانا عارفه نظام صدققتها تكشف تستعرض قويه
لسانها طويل مع العيال تكلم وتطلب سناب اي ولد يعجبها
انا رفضت وصارخت قلت دام امي مو معاك
تمشين معي وبس اذا تبيك تجي عندنا بالشقه
او تطلع معنا بالكوفي وانا معك اوو اجلس بطاوله جنبكم
غيره لا
قالت لامي
امي امشي معنا للرياض
مابي اروح مع هاذي الداعشيه تغثني
صارت تمر جنبي وتضحك ضحكة استفزاز
وتقول
داعشيه
دعشونه
واتمسخر بها الشكل علي وانا ساكته وماسكه اعصابي
عنها ماودي انفعل
لان تدري انها تقهرني بهالحركه
والله لو اني اعرف ان صديقتها متربيه
وبنت ناس لاقولها
لو تبين نامي عندها بس انا عارفه صديقتها
وقدامي تكلم وتشبك رجال
بتقولون وين امك
امي تعبانه وفيها ضغط وحاتها حاله وعجزت
وهي تقولها لا يعني لا وامي اصلا ماتبيها تروح معي بكبرها بس هي راكبه راسها تقول بروح