السلام عليكم ورحمة الله وبركاته
وشخباركم حبيباتي عساكم طيبين وشهر مبارك ؟؟بدري
قريت هنا موضوع لعضوه تقول كيف العيد عندكم وانا كان ابرد عليها بالموضوع بس حبيت انزله بموضوع لحاله ..
ابيكم تعيشون الاجواء الحقيقيه للعيد..والله يالعيد عندنا غيييييييييير
انا حسيت بالفرق الشاسع عشان سافرت من ديرتي وجييت للرياض
من جد فرق ..
***
بسم الله نبدأ
اول يوم العيد لازم ننام بدري ورانا قومه من الفجريه ركزو من الفجريه
يعني كووووووووول العايله تقوم والسماء سوداء ^^
ربة البيت تكون مجهزه ملابس اولادها تلبس هيه والعيال ويتبخرون بالعود والطيب ويروحون يصلون بالمسجد وهناك فرحه ثانيه حقيقيه كلللل الحي متجمع بمسجد وجامع العيد بعد الصلاة سلام ومباركات حتى مع العماله اللي من برا البلد...اللي مخاصم اخوه واللي بينهم سوء تفاهم لازم كبير الحي ينهيها
كيف لا وهذا عيد
وكمان تلقى كبار السن مجهزين صرف ريالات وخمسات ههههههه ويوزع
على البزارين...
بعد السلام و وخطبة العيد
كل واحد يرجع للبيت يكونون البنات مجهزين القهوه والحلويات اشكال والوان
يسلمون على بعض حتى الخوات والاخوان يسلمون على بعض :)
ويكونو مجهزين عيديات الاطفال حلاو وخمسات وحركات ..
تدرون يوم العيد ودك تصير بزر العيديات مغريه هههههههههههه
بعد ربع ساعه يجون عيال العم والخوال والقريب حتى العماله بالمجلس يتقهون مع بعض يتجمعون بمجلس كبير الحي وزوجته الله يعيينها هههههه
تكون مجهزه غير القهوه ....الخ مقلقل عزيمه كامله وخبز تنور
ويحطونها بصواني 3 او 4 على حسب العدد اذا افطرو الرجاله
وعينو من الله خير يطلعون ومابه بيت بالديره الا يدخلون ويسلمون عليه خصوصا الجدات والكبار بالسن اللي مايصلو بالمسجد
...
هذا بالنسيه للرياجيل
اما الحريم عاد ياعيني علينا بس ههههه بعد الكشخه
والطقاق على المرايه والاستشوار :27: هذا تقريبا الساعه 8 الصباح
يلبسون عباياتهم ويمرون على البيوت وسلام في سلام تطفش من السلام هههههه
ويرجعو عند صاحبة كبير الحي المكروفه ههههههه بس مع الجمعه تنساها وسوالف
الحريم مع بعض والمراهقات مع بعض:42: والشابات المتزوجات
مع بعض وناسه وفلة حجاج الا الظهر ...
بعد الظهر يرجعون الكل للبيت راحه وتغيير وبعده الغداء
بعد العصر يروحون للأحياء الثانيه يسلمو عليها
واللي بعيده عن اهلهل تروح تسلم عليهم
وكذلك العشاء
***
يعني 3 او 4 ايام على هالحال بجد عيدنا له طعم ونكهه
انا عيدت بالرياض مرتين
حسيت اني يتيمه ومالي احد على ان نص عماني هنا لاكن هنا تأثرو بحياة المدينه
اول يوم للعيديصكونها نووومه للعصر ..
ثم يتجمعو بالاستراحه بعد العشاء سلام ورسميات وتكلف يضيق الصدر :(
وثاني يوم مااحد يعرف احد ...الله يعيين بس
ذكرت اول مره عيدت بالعاصمه قبل 3 سنوات كل ماكلمني احد من اهلي قعدت :icon33: :icon33:
الين اذن العصر وانا :icon33: هههههههههههه الحمد لله رحمت زوجي ضيقت صدره ...امحق عيد
....عاد تدرون انا ليه منزله الموضوع
بعلي مستلم وماني معيده بالديره :( وهذ اللي خلاني اتذكر مراسم عيدك ياديرتي ياجعلني فدوة لها...
قولو آآآآآآآآمين يجي قرار يلغي الاستلام ونروح نعيد هناك ...
بين امي واهلي وناسي
عذرا للأطاله ...
ربي يسعد كل من مرة من هنا وقالت آآآآآآآآآآآآمين
***
وكل عام وانتكم بخيييييييير قبل الزحمه
ودي وسلامي للجميع :26:
***
الاصيلة2009 @alasyl2009
كبيرة محررات
&& تقول كيف العيد عندكم وانا ابرد بموضوع لحاله تعالو شوفو حلاة العيد بديرتي &&
20
3K
يلزم عليك تسجيل الدخول أولًا لكتابة تعليق.
غرآم :
يسسسسعدني اني اول من يرد عليك .. فعلا ايام اول غيررررررررررر يكفي بس البساطه ونقا القلوب وصفائها .. الله يعيد ذيك الايام على خير ... الحين اغلب الناس موالهم " كل سنه العيد عندنا ليه فلان مايسويه السنه هاذي عنده حنا بس ننكرف وهم حريمهم لا ولا يتهاوشون على القطيه ولا غيره الحريم تشتغل لين تفرق الجمعات " الله المستعان بس .. تقبلي مروري ...يسسسسعدني اني اول من يرد عليك .. فعلا ايام اول غيررررررررررر يكفي بس البساطه ونقا القلوب وصفائها...
الله المستعان بس تغيرت القلوب :44:
منوره الموضوع غلاي ...
منوره الموضوع غلاي ...
حنا نشبه عيدكم الفرق انو لازم بعد مايجو من الصلاة كل بيت مسوي وليمه اللي رز واللي جريش وياخذونها العيال ويروحون عند المسجد يكونون فارشين زوالي وسفر ويقعدو الكبير والصغير والقريب والبعيد وكل انواع الطوائف يجلسون ياكلون لاولازم يذوقون كل عيد
قسم بالله وناسه
اما الحريم لا كل عيد ببيت وش نسوي مو راعية البيت الي تسوي كل وحده تشيل عيدها الي طابخه زيه للرجال وتروح بيت اللي بنجتمع فيه
وهاتك ياسوالف لين 10 الصباح ..
بعدين يطلعون الحريم يسلمون على العجز والكبار والبنات للبيت نصير عاد مانمنا من امس خاصه عيد الفطر
بعدين اذا جاء الظهر نروح بيت جدي الغدى يكون ذبيحه وكل من يقول انا من عايلة فلان يجي
ونطلع 4 كذا
نريح بالبيت
بعدين اذا جت 7 او 8 نروح جمعة جدي الثاني كمان ذبيحه يعني مانشيل عيدتنا الا صباح العيد
وعلى هالحال لين نرجع الرياض
بس مافي باقي الايام صباح لا نكون باقي الايام نركز على قهوة العصر مع خوالي وبالليل مع عماني اي شي ناكله مو لازم شي رسمي
وهذا عيدنا حنا ..
قسم بالله وناسه
اما الحريم لا كل عيد ببيت وش نسوي مو راعية البيت الي تسوي كل وحده تشيل عيدها الي طابخه زيه للرجال وتروح بيت اللي بنجتمع فيه
وهاتك ياسوالف لين 10 الصباح ..
بعدين يطلعون الحريم يسلمون على العجز والكبار والبنات للبيت نصير عاد مانمنا من امس خاصه عيد الفطر
بعدين اذا جاء الظهر نروح بيت جدي الغدى يكون ذبيحه وكل من يقول انا من عايلة فلان يجي
ونطلع 4 كذا
نريح بالبيت
بعدين اذا جت 7 او 8 نروح جمعة جدي الثاني كمان ذبيحه يعني مانشيل عيدتنا الا صباح العيد
وعلى هالحال لين نرجع الرياض
بس مافي باقي الايام صباح لا نكون باقي الايام نركز على قهوة العصر مع خوالي وبالليل مع عماني اي شي ناكله مو لازم شي رسمي
وهذا عيدنا حنا ..
وناسه عيد القرية يختلف عن المدن
بصرااحة احس عيد نجد وخاصة عند كبار السن له طعم غيييييييير
الحين الله المستعان عساهم يصلون العيد بس ..
ياليت كل وحده تقول لنا وخاصة غير منطقة نجد .
بصرااحة احس عيد نجد وخاصة عند كبار السن له طعم غيييييييير
الحين الله المستعان عساهم يصلون العيد بس ..
ياليت كل وحده تقول لنا وخاصة غير منطقة نجد .
الصفحة الأخيرة
فعلا ايام اول غيررررررررررر يكفي بس البساطه ونقا القلوب وصفائها ..
الله يعيد ذيك الايام على خير ...
الحين اغلب الناس موالهم " كل سنه العيد عندنا ليه فلان مايسويه السنه هاذي عنده حنا بس ننكرف وهم حريمهم لا ولا يتهاوشون على القطيه ولا غيره الحريم تشتغل لين تفرق الجمعات " الله المستعان بس ..
تقبلي مروري ...