تقول ما عندك عروسه لزوجي!!!

السلام عليكم ورحمة الله وبركاته

هو موضوع بسيط بس عقدني من كثر ما افكر فيه وتجادلت مع زوجي وايد عليه (( عارفين راي بو الشباب في هالنقطه))

فيه وحده تدور عروسه لزوجها لانه قال لها انه يبي يتزوج مع انه ما مر على زواجهم غير سنه وكل اصدقاءه متزوجين ثنتين والدور جاي هالمره على زوجها وهو مصمم

و البنت صغيرة تقريبا 23 سنه وحبوبه وطيبه ما عليها قصور وتحاول تدور له بأي طريقه وتدوس على مشاعرها وتبين ان الموضوع مب هامها مع ان الدمعه متعلقه في عينها

المهم دار نقاش بيني وبين ناس عنها

انا قلت المفروض انها ما تتدخل في زواجه واذا هو يبي يتزوج كيفه يجيب زوجته بس يسكنها في بيت لحالها

وهم يقولون لا احسن هي تدور له عشان تجيب له وحده تطيح بجبده بما انها تعرف هو شو يحب وشو يكره فتجيب له وحده تعرف انه ما راح تعجبه بعدين ويتوهق فيها ويعرف قيمة زوجته الاولى

انا مادري صح الموضوع ما يخصني بس حطيت نفسي مكانها واظن اني مستحيل اخطب له وهو حر في اللي يسويه
وهي حره بس انا اعتبر ان اختيار زوجه له امانه ومسؤوليه ما يصير اخونها واجيب له شي يكرهه بما اني اعرف انه يكرهه


وسمعت عن وحده اختارت لزوجها صديقتها مع ان زوجها ما كان مفكر في الزواج بس هي كانت وايد تعز صديقتها ورضت انها تشاركها بزوجها وبعد الزواج قامت الصديقه تبعد الزوج عن زوجته الاولى بكل وقاحه !!!

بنات شو رايكم نخليها تدور له بنفسها والا تغسل يديها من الموضوع والسلام ..

لو كنتي مكانها شو تختارين...؟