تقوول ابوها عطاها ...... (تعقيبا على الكذابات الي انكشفوا بالمنتدى ) اقروا هالقصه

السلام عليكم ورحمة الله وبركاته

طبعا امس قريت مواضيع بنات حوا علي موضوع الي انكشفت تكذب (.....) الله يستر علينا وعليها واشلون كنا متفاعلين معاها واله العظيم كسرت خاطري

و انصدمت لما عرفت انه الموضوع كله كذب الله يهديها


قعدت اتسائل بيني وبين نفسي شلي خلها جذي و اشلون كتبت المشكله كنها حقيقيه ؟؟؟


تذكرت وحده معاي بالثانوي الله يشفيها ولا يبلانه

كانت كبيره و متاخره شوي

فكانت تقعد جنبي و تسولف وتسولف وتسولف :06:
من سوالفها

انا ابوي بميلادي قالي طلعي بره ويوم طلعت ولا القي سيارة بورش عليها شريط مال تغليف الهدايا

وانا صدقت لاني ما مر علي ناس تكذب كذبات كبيره كذا

وسكت وتقولي الاسبوع الجاي ملكتي

وتسولف وتسولف وتسولف

وانا اسمع

توصفلي فستان الملكه واللون وادق اتفاصيل

وانه زوجها لازق فيها ( واشياء اخجل ان اقولها ) الحمد لله الذي عافنى في ما ابتلي غيرنا

وانا ما اعرفها فا اسكت و المشكله انها قارقه راسي
بسولفها

و في نهاية الدراسه طلعت متأخرمن المدرسه وكنت بالاستراحه انتظر اهلي و اشوف سياره قديمه جدا ولونها رايحه ومدعمه شوي وداخلها بزران و اجد ما شاء الله وانصدمت انهم طلعوا اخوانها وهذي سيارتهم

و بعدين مو قلت لكم عن ملكتها الخياليه وانها بتكون يوم الخميس وجت يوم السبت و هي مستشوره الشعر و عايشه الدور ولا وحده بالفصل اعرفتها من ملكة بنت ثانيه يعني الاخت طلعت معزومه مو العروس هههه الحمد لله والشكر


مني حست البنت الله يشفيها مريضه بالكذب الله يشافيها ولا يبلانا


و ما قمت اعطيها وجه و ترد تقول انهم ساكنين بقصر علي البحر و الح
طبعا البنات مسخروها تمسخر

واهيا امبين انها مكسوره اذا شافت البنات يضحكون عليها

بس همن ما تتوب

عرفت انه الحمدلله و الشكر لازم نحمد اه ونشكره على انعمه الي احنا فيها

وعرفت انه لزما نتشمت بالناس الي على هالشاكله


لذا الحكمه المستفاده من القصه : ابيكم كلكم تقولون الحمدلله الذي عافنا في ما ابتلى غيرنا

احس بالشفقه علي هالناس الي ما خافت ربها و تبحر بالكذب وما عندها شغله بالحياة الي الكذب و حيتها كذب وكذب


الحمد لله رب العالمين