تكفون اعطوني وجه وحل لوجه الله

عزيزتى توكلى على الله
وحاولى معاه باسلوب جميل
ولاتحسسي انه مريض او السبب منه
هاد الشي بأيد رب العالمين
اتكلى على الله واستعيني بالله
وحاولى مع زوجك
وان شاء الله مانسمع منك الا الاخبار الحلوة
ربي يرزقك ويرزقنا الذرية الصالحة المعافة

السلام عليكم

هدي اعصابك حبيبتي والله اني حاسه فيك لاني مثلك

بس معليه تعالي له باسلوب ثاني وثالث وشوي اشوي بيقتنع لانه حتى هو اكيد يبي عيال

بس الرجال ينصدمون اذا كان التاخيير منهم كل على بالهم انه منا وشوفون هذا الشي يقلل من رجولتهم

انتي شدي شوي وارخي اشوي
وتعالي له باساليب مختلفه

انا كنت زيك مره اشد عليه ومره ارخي

وصدقيني الي كاتبه ربي بيصير بس الواحد لازم يسعى

واذا حابه تسأليني عن الاسلوب انا حاضره لاني مثلك لي 3 سنوات ومليت من القعده لحالي

والله يرزفني ويرزقك ويرزق كل من تتمنى

انتي شكلك عصبيه

الرجال ماراح ينفع معهم القوة انتي ادعي له ربي يلين قلبه وصدقيني حتى هو أكيد يبغاك تحملين

الله يرزقك يارب

شوفي حبيبتي يمكن انتي ظروفك احسن من ظروفي لآن الكل مش عارف من مين سبب تأخر الحمل

انا زوجي متزوج قبل وخلف بنت والكل اللحين يناظرني بأن انا اللي مني العيب

وحتى وصلني كلام يقولون طلق بنت عمه عشان يتزوج هالعقيمه لو استمر معاها كان معاه 4 او 5 عيال

بالرغم انه منه سبب التأخر ومو مهتم في العلاج مره راح قبل 4 شهور بالقوه والبكاء للدكتور واعطاه علاج لمده شهر وبعد شهر يسوي تحليل وليومك هذا ماراح ... وتعبت يوميا اذكره بموعده عند الدكتور بس ما يستمع لي

ودحين حطيت في بالي بعطيه اسبوع اذا ماراح للدكتور بطلب الطلاق انا من حقي يكون معاي عيال وهو جرب الظنا وشكله عشان كذا مرتاح ولآن الانظار كلها علي ... مااقول الا الله يلطف بحالنا ويصبرنا من اللي احنا فيه ...

وانا مثلكم يا حلوات صار لي ثلاث سنين وداخلة بالرابعة
والسبب ان زوجي عنده دوالي بالخصية بس ما ادري ليش الرجال كده
ولا يهمهم ولا على بالهم بعد ضامنين ان الزوجة ما بتتزوج عليهم ولا تقدر تجيب لهم ضره
والله ان فيني حره الي تزوجوا بعدنا بسنه وسنتين حملوا مره ومرتين بعضهم وحنا ابد مكانك راوح
على متى الموعد الجاي وايش طلع بالتحليل والمشكله زوجي اذا قرب الموعد يخاف ان الدكتور يقترح علية العمليه
ويعيي ما يبي يسويها يخاف وياخذ ادويه شهرين وثلاثه وتاليها كانك ياابو زيد ما غزيت مافي اي تحسن
ونرجع لسيرة العملية والخوف ويتراجع والعمر يمر
وانا زهقت من حنة الحريم على راسي الكل يحطها براس الحرمه مسكينه ما يفهمون ان عملية الانجاب يشترك فيها الزوجين
كأن الحرمة تحمل بحالها اذا ما حملت منها واذا حملت كل سنه منها كانها قطوه واذا خلفت اربع بنات منها
ابد الرجال كامل ولا له دخل بكل هالزيطة ويش نقدر نقول غير الحمد لله
والله انها حاله صعبه الوحده ما تتمناها لعدوتها الله يصلح الحال ويرزقنا بالذريه الصالحة جميعا آمين يارب العالمين