عصفور ة من الشرق @aasfor_mn_alshrk
عضوة جديدة
تكفون افزعو لي(زوجي مدمن حشيش))
السلام عليكم ورحمة الله
مادري شلون ببتدي بالكلام بس يعلم الله اني في حيره و في هم مايعلمه الا الله
وانا جايتكم بمشكلتي اطلب الله اول ثم اطلب كل من تقرا حروفي تساعدني لو بالقليل
مشكلتي
انا متزوجه من خمس سنوات والحمدالله انعم الله علي ببنت ولد
مشكلتي مع زوجي من تزوجته من خمس سنوات وانا حاسه انه مو طبيعي
مرات كنت اقول عين ومرات اقول مسحور وكل يوم لي معه عذر
بس قبل شهور اكتشفت انه يتعاطى حشيش رغم انه طيب واخلاق .....
في يوم لقيت شي غريب بين اغراضه واخذتها وعطيتها وحده وسئلت عنه وطلع حشيش
ومن بعدها ونا في حال مايعلم به الا الله... صاير شكاك كثير مزاجه متقلب ....
عليه تصرفات بعض الاحيان مو طبيعيه عيونه دايم حمراء تمسك معه حاله يقفل علي الباب لاراح الدوام
وكثير الشك بكل شي ....يوم حلو معي وعشر ايام لايطاق
عصبي جدا ...بسرعه يتنرفز... عليه افكار واعتقادات غريبه
يحس ان الكل يكرهه او اقل من الناس
ببداية الزواج كان يعيش ضغوطات نفسيه والظاهر هي اللي خلته يتعاطى الحشيش
ابوه متوفي متحمل اسره امه وخواته....
هو شاك اني عارفه انه ياخذ ذا البليه الحشيش بس ماقدرت اواجه خايفه منه
اخاف لو يدري اني عارفه بموضوع الحشيش يسوي فيني اي شي
انا الان عند اهلي على اساس اجازة بين الترمين.. ومقرره مارجع له حتى يتعالج
ومن هنا انا كتبت لكم مشكلتي ...ابيكم تفزعون لي
هل اني لما اتركه لحاله بتدهور حالته؟؟؟ هل الحشيش تضاعف حالته الى طريق المخدرات ؟؟؟
وش علاج هالموضوع؟؟
تكفون الله ينور لكم دنيا واخره تريحوني بجد انا تعبانه في نفسي وفي اطفالي
خاصه ان اطفالي متعلقين في ابوهم بجنون كل يوم في طاريه ويكلمونه جوال
انا مانكر انه طيب بس اللي هو فيه يخليني ابتعد عنه غصب
اخاف يضرني او يخليني امشي معه بنفس طريقه
امه مريضه بالسكر ومتعلقه فيه بجنون وذا السبب اللي مخوفني اني اقولها موضوع ولدها
كلمت خواته بالموضوع بس ماحسيت منهم تجاوب
وعنده اخو بعيد عنه وقليل الاهتمام في اهله
ذي مشكلتي بين ايديكم تكفون من لها تجارب او سمعت بعض الحريم لهم تجارب
مع ازواجهم متعاطين الحشيش
يعلموني كيف حلو مشكلتهم وهل مريض الحشيش يقدر يتركه ويتخلص منه؟؟؟؟
انتظر ارائكم بفارغ الصبر تكفون : (
34
61K
هذا الموضوع مغلق.
ღزيـ أم ـادღ
•
الله يتوب عليه من الحشيش ويهديه ويصلح حاله يارب.
وقت يكون مش متعاطي اتصلي عليه خلي يجيك بيت اهلك وقعدوا بروحكم ف المجلس وتفاهموا واكيد اذا هو طيب ويحب امه وعياله راح يسوي اللي تبين ويتعالج عشان نفسه وعشان عياله والله يهديه لكم ياارب
الصفحة الأخيرة