تكفون الله يخليكم ساعدوني بحل
السالفه اني انا ساكنه مع اهل زوجي من تزوجت وشقتي فوق لكن لسى ماجهزت مبنيه فقط المهم هم من تزوجت مااشتغلوا فيه صارحتهم في الموضوع واعطيتهم اكثر من مهله ويقولون الظروف ماتسمح ومن هالكلام مع انهم يحطون الفلوس في اشياء ماتستاهل والي قاهرني انه بنتهم تزوجت وقالوا ماناخذ من المهر شي بس خذ مقدم شي بسيط وراحوا قضوا لها كل شي حتى الذهب بغلا الله يوفقها والله غاليه علي ووايد احبها وبعد ماتزوجت قالوا الاثاث علينا واثاثوا لها ومهتمين يكون عندها بيت بنات انا خلاص وصلت معي طفشت من هالحال مع انه صارت مشكله بسبة هالشقه وبعدها اتفقنا على مدة محددة والمدة قربت تخلص وانا راح اروح عند اهلي هالايام وناويه اني مارجع الا لما يستاجر لي ولكن خايفه يصير مشاكل لاني مابي اخسر زوجي وهو بصراحه طيب ولا يقصر علي في شي مع العلم اني انا وافقة قبل الزواج على السكن معهم عبالي بيخلصونها بسرعه فقلت ليش نستاجر والشقه بتخلص وحددة المده ماتزيد عن سنه والحين صار لنا كم سنه ......
11
1K
يلزم عليك تسجيل الدخول أولًا لكتابة تعليق.
خيتو كلمي زوجك واقنعيه بكل الطرق تعالي له وانتبهي تتركي بيتك اذا ماقدرتي عليه وانتي جنبه ماراح تقدري وانتي بعيده غير كذا امكن ياخذ الموضوع عناد وتصير مشاكل انتي في غنى عنها
لآ خلي لكي بيت خآص آوعك تسكني مع آهلو بكرآ بيتحكمو فيكي وآلله آسآليني آنآ آللي بعرف هآلآنوآع من آلبشر حبيت خبرك وآنتي برآحتك آحكي لزوجك آنك مآبدك ترجعي لحتى يكون لكي شقه آو بيت خآص وآلله يعينكلآ خلي لكي بيت خآص آوعك تسكني مع آهلو بكرآ بيتحكمو فيكي وآلله آسآليني آنآ آللي بعرف هآلآنوآع من...
لا حبيبتي اهله ابدا ماهم من النوع هذا لانهم معروفين بطيبتهم من قبل ماتزوج وهم ماضايقوني باي شي بالعكس طيبين لابعد حد يعني الحق ينقال بس الواحد يبي استقرار في الاول والاخير وانا صراحه ماعاد ابي اسكن فوقهم لاني عفت الشقه وابي اطلع برا
اختي حل مشكلتك واحد من هالاثنين يا انك تكلمين ابوك او اخوانك يكلمون زوجك بالتفاهم يخلص لك الشقه او مالك الا الصبر لين الله يفرجها عليك انتي رضيتي تسكنين معاهم من البدايه وزوجك على قولك طيب ومو مقصر معاك بشي واذا اهله طيبين معاك خلاص تحملي لين الله يحل مشكلتك ليش تجيبين لنفسك مشاكل انتي في غنى عنها هذا رايي والله يفرج همك وتقبلي مروري ودمتي
الصفحة الأخيرة
وآلله آسآليني آنآ آللي بعرف هآلآنوآع من آلبشر
حبيت خبرك وآنتي برآحتك
آحكي لزوجك آنك مآبدك ترجعي لحتى يكون لكي شقه آو بيت خآص
وآلله يعينك