السلام عليكم ورحمة الله وبركاته
ببدأ بمشكلتي بدون مقدمات والله أني في حيره مايعلم فيها إلا ربي يا ناس اللحين الرجال لما زوجته تقعد سنه ما حملت يبدى يلمح ويهدد بالزواج أنا زوجي لا زوجي مايبي أطفال أبدا وكل مافتحت معه الموضوع بدا يخلق مشاكل ويطفشني في حياتي والله يعاملني مثل الخدامه عنده مافاد معه ولا شي قلت يمكن فيه عين ولا سحر وبدت رحله العلاج يعني صرت أحط في مويه التعبئه أللي نشرب منها كلنا أحط قارورة مويه مقري فيها أنا تروشت خمس مرات بخلطة الرومي
شغلت سورة البقره في البيت يوميا قريت سورة البقره يوميا بس ما فيه فايده وما لاحظت فيه ولا شي سألته قلت له عشان لا أضيع وقتي ولا أضيح وقتك إذا أنت مو مقتنع فيني خلاص أروح البيت أهلي ويادار مادخلك شر قال لا أنا مقتنع فيك بس ما أبي عيال قلت له ليش ماشرطت وحده تكون عقيم قال أنتي الظاهر رايقه اليوم وتدورين مشاكل وراح وتركني كالعاده والله نفسيتي صارت زفت بشرتي خربت بعد ماكانت مضرب المثل جسم صار سمنه وسيلولايت بعد ما كان مليكان صارت تطلع بجسمي بقع زرقاء كأن أحد ضاربني ويوم وريتها الدكتوره قالت هذي تطلع من النفسيه أكيد أن فيه شي شاغل بالك والله يا بنات أني تعبت والمشكله ما أقدر أقول لأحد مشكلتي ورفض زوجي للأطفال علما بأنه يموت بالأطفال ويعشقهم فأستغرب تصرفه معي تكفون يا بنات والله أني أكتب لكم وأنا أبكي صرت أحس أني عنده بس عشان أطبخ وأنظف وصوره قدام المجتمع أنه متزوج لأنه موصعير زوجي عمره في الأربعين تكفون يا بنات ساعدوني ...
أم فيصل بن فهد @am_fysl_bn_fhd
عضوة جديدة
يلزم عليك تسجيل الدخول أولًا لكتابة تعليق.
بهارات كاري
•
شوفي ياحبيبتي اهله ماسالوكم ماقالو شي يعني امه مثلاماقالت حاجه اهلك وينهم عنك لازم فيه احد يسال وبعدين قوليله وذكريه ان العمر يجري فيكم والواحد يكبر متى ناوين تجيبون اطفال اساسا الواحد ليه يتزوج مو عشان الذريه حاولي تكلمينه بعقلانيه وتفهم اشرحي له انك تكبرين وفرص الحمل بالنسبه للحرمه غير عن الرجال الله يفرج همك ويصير الي في بالك امين يارب العالمين:44:
أم لولي.
•
أختي حاولي تتفاهمي معاه برواقة ... لأنه ممكن يخاف يكون العيب فيه وانك راح تتركيه لو عرفتي ...
مجرد تخمين .. والله يرزقكم الذرية الصالحة .
مجرد تخمين .. والله يرزقكم الذرية الصالحة .
الصفحة الأخيرة