تكفون شوفو مشكلتي يمكن عندكم حل

الصراحة اشوف ان السالفة ماينسكت عنها هي زوجة اخوك ماراح تضرك وان ضرتك بالنهاية بتعرف انه لمصلحتها طيب شوفي اولا لاتجين لها كذا وتقولين لها لا اولا حاولي تتقربين لها واهديها كتاب او شريط او ارسلي لها رساله عن طريق الجوال كالها خليها تذكير له بعاقبة من لا يصلي ومن هالامور والنت ماليان من هالحكم والدرر او وانتم جالسين تقهوون افتحي موضوع مع اهلك ثم ابدى اذكري قصص تارك الصلاة وش عذابة وشوفي كيف بيتغير وجهها عقبة وذكريها ان هالابناء بذمتها ولا جيبي عيالها كان اعمرهم 3 او 2 تراهم والله يفهمون وعلى التعود واذا جيتي تصلين جيبهم ووضيهم وضووك للصلاه ثم لبسهن شرشف الصلاة وخليها تصلي بجنبك وتعمديتصلين بالغرفة اللى فيها امها بها الشئ تصدين عصفورين بحجر منها تغرسين الصلاة وحبها في نفوس عيال اخوك ومنها يكون درس وتنبية لزوجة اخوك,,
والله ييسر لك ياحبي ويوفقك لما يحبة ويرضاه ومهما كان احرصي على زوجة اخوك وعيالها وربي يكون بعونك وابشري بالاجر من الله

معقولة ياختي ماعمرك شفتيها تصلي؟؟؟؟؟؟يمكن هي من الناس ألي تتهاون بالصلاة أو تاخرها شوي,,,,ع العموم أول شي لازم تسوينه أنك تلاحظينها أكثر من مرة عندكم أوعندها بالبيت لاحظي وانتي ساكتة,,,,,وبعد ماتتأكدين أنها صحيح ماتصلي أنصحيها وكلميها بالتي هي أحسن مرة واثنين وثلاثة لاتيأسن يوم ورايومراح تتحسن بأذن الله وأذا مانفع الكلام معاها كلمي أخوك بخصوصها يمكن هو يكون اقرب منك ويقدر يقنعهاوادعيلها بالهداية والصلاح لأنها قدوة لعيالها والله يوفقك لما يحبه ويرضاه

ماقدر اكلمها لانها حقت مشاكل تحط من الحبه قبه
وممكن تمشكلني مع اخوي وهي من النوع الي تضلم عادي
ماتخاف من الله
وانا عندي قاعده
الي يخاف من الله ماايخوف
والي مايخاف من الله يخوف

انتي تاكدي انها ماتصلي لازم تتاكدين كويس,,الموضوع موب سهل
يارب تهديها ,,يااختي انتي ادرى بطباعها انا لو بمكانك ماتجيني الجرأة اني انصحها وهاذي اطباعها يعني بصراحه ماراح اقول لك في سبيل الله وماني عارف ايش الواقع صعب مع الناس المشكلجيه وخاصه اذا صارت قريبه وانتي من النوع المسالم وعواقب النصيحه كبيرة يمكن توصل لااخوك وكبر السالفة سواء لصالحك انه يصدقك ويمكن يعاقبها او يضرها او لصالحها وانتي تصيرين مكروهه,,بس الحل مثل ماقالت الاختsoog احرصي على اعيالها واكسبي اجر فيهم وهي ان جتكم انشبي لها بالصلاة احرجيها لاتوخرين عنها لحد ماتكبر ..والله يعينك وسالفة التصيحه والمواعظ الله يهديها اكيد عاره هي عقوبة تارك الصلاة مافي احد خاصه عندنا مايعرف الصلاة وعواقب تركها ..

ارجعي وتأكدي مره ثانيه يمكن انتي غلطانه..

واذا تأكدتي لا تكلمينها.. لكن دقيها بالكلام..

مثلا وانتي جالسه تكلمي عن الصلاه وعن فضلها وحرام الواحد يتركها. اعطيها مطويات واشرطه عن الصلاه.. هي اكيد راح تحس انك عارفه انها هي ماتصلي .. وماراح تقولك او تناقشك.

وبكذا انتي نصحتيها وماسويتي لنفسك مشاكل..........

وانتبهي اذا احد قالك مره ثانيه انها تصلي قولي الا تصلي وانا شفتها لأن :

اول شئ من ستر مؤمن ستره الله في الدنيا والآخره.

وثاني شئ هي من العائله وام اولادكم وحرمة اخوك سمعتها من سمعتكم..


كذبي الموضوع لأن الناس تحب الكلام وماعندها غير الكلام فا انتبهي.