تكفون مالي الا الله ثم انتوا ماعندي خوات الا انتوا

صباااااحكم عسسسل
ويارب تكون جمعه طيبه علينا وعليكم ...

بدخل بالسالفه على طول ..

هذا يالغالين كنت عند اهلي يوم الاثنين وقالي زوجي بجيك بكرة امرك العصر لاترتبطين في اهلك
عاد انا ع الاتفاق وجاء بكرة وربي ولا حس ولا خبر لين قبل المغرب بربع ساعه وانا لوحدي اهلي كلهم طلعوا
ويتصل علي يقول انه معزوم عاد انا انقهرت على نفسي وليت انه اعتذر ع الاقل الاوالله كانه الوضع عادي
طبعا انا من القهر قلت له مو انت قلت لي لاتطلعين بامرك العصر ؟؟؟
قالي خلاص امرك بعد العزومه انا هنا قلت لا انا بروح ندوه بعد المغرب طبعا هووو عصب يقولي يا انا ياالندوة
قلت له انت وينك انت بالعزومه وانا وقتها بكون بالندوة قال لاماتروحين يعني ماتروحين ....
المهم انا قلت اجل خلاص يا انا يالعزومه هو قال تدرين بروح العزومه وصك التلفون بوجهي ..........:mad:
بنات وربي اني عند اهلي من هذاك اليوم لليوم واني مافضفضت الا لكم وهو ماعاد اتصل ولا سال عني ..

وقسم بالله مقهورة على نفسي لها الدرجه بايع العشرة طبعا صارلي من تزوجته 7 شهور بس اذا كذا البدايه اجل وشلون بسوووي معاااه هو وعصبيته ..
وربي هذي ثالث مرة يهجرني علي مرتين بالملكه وهذي الثالثه..
ابي اعرف وش السوات لانكم لي اقرب من اللي حواليني واقدر اصارحكم واثق بقولكم لانكم تقولون الصدق
ابي اعرف انا غلطانه ولا هو ..؟؟
وكيف افهمه انه جرحني .. ؟؟
وكيف يقتنع مني لانه يسمع كلام الغريب ولايسمع مني ....؟؟؟

تكفون وربي اني ماني قادرة انام ولا ارتحت مرة مكسور خاطري
واسفه عكرت مزاجكم بالصباح

دعواتكم ..
:26: