بقولكم مشكلتي باختصاااار بس اتمنى تساعدوني وتحسون فيني
تكفون ابي كل واحده تحط نفسها بمكاني وايش تختار
انا تقدملي ولد خالتي اكبر مني ب4 سنين
اخلاقه تقدرون تقولين طيب بس عصبي كان يدخن والحين شيشه
المشكله العظمى انه يروح للدول العربيه المجاوره كثييييير وحنا بالشمال قريبه مره مننا يعني لو يبي خميس وجمعه فيها واكيد تعرفون الشباب وش يلقون بهالدول يعني لو يروح كل فتره لدوله غير نقول يتمشى بس المشكله معلق ع هالدول بالذات وغير كذا الصلاه مو مره يعني ينااااااام ومتى ماصحى جمع كل الصلوات ومايصلي بالمسجد الا بالسنه حسه يعني بالعربي مافيه دين
وانا انسانه تقريبا ملتزمه والحمدلله شكلي حلو كل من شافني مدحني يعني احس نفسي خساره عنده بصراحه مع انه هو بعد حلو مره بس وش الفايده اذا مافيه دين
والمصيبه حنا ماناخذ غير من الجماعه وجماعتنا تقريبا كلهم فاشلين وانا مو صغيره اخاف انها اخر فرصه لي لانه مافي احد بصراحه
امي كلمت ابوي عنه يقول انا ماعرف عنه شي انتم تاكدو منه وبكيفها اذا زين و تبيه ماعندي مانع وانا نفسي اقول لابوي كل شي بس ماادري انتم ايش رايكم بهانقطه؟؟
انا والله مره مهمومه مانام زي الناس
لاني ماتوقعت يتقدم وكان ببالي مستحيل اخذ واحد راعي سفر وصياعه يعني تخيلي بعد الزواج اصغر مشكله بيني وبينه يطنش ويروح هنااااااااااك يعني فيه غيري فهمتو علي
اخوي بعد يقول بكيفك انا قلت اللي اعرفه عنه وانتي بكيفك وترى كل الشباب الحين سفر ودجه واهم انه ماياكل مخدرات والباقي يعقل
وامي تقول انا احس ماعليه واتمنى انك تاخذينه وانتي بكيفك
يعني الحين القرار واقف علي واستخرت ومادري ماحسيت بشي احس اني بحلم خاااااااااااايفه ومابيه بس اخاف ارفض واندم
تخيلو اليوم امي كانت داقه عليه بتقول اني موافقه بس الحمد لله مارد
هي ماتدري اني جد مابي ع بالها حكي بس واليوم وضحت لها كل شي وترددت بس تقول القرار لك
ماعليه انتي تبين تتزوجين عشان تنبسطين بس كذا ماراح تنبسطين كل شوي مسافر خصوصا انه متعوود والصلاة يمشي حاله فيها
لاتقولين بغيره مو سهل تغيرينه ومو حلو الوحده تقعد توس وس كل ماراح زوجها ,,
اصبري وتزوجي واحد عليه القيمه ماتسوا عليك بكرا زووجه تعيسه ولا مطللقه وانتي عارفه السبب قبل تتزوجين ,,
وانتي ادعي ربك يسهل امرك وبيجيك الي كفوو
حتى لو اهلك مايزوجون من برا بيتنازلون عن هالشي اذا شافوا مافيه الا هو ..
وانتي برااحتك بس احس وااضح من البداايه انها مشقه يعني مااتزوجين اصررف بكثير ,,
انتي كم عمرك !!