السلام عليكم
بنات انا عضوه جديده هنا لكن من المتابعين للمنتدى هذامن زمان
بصراحه بنات بدخل بالموضوع على طووووول وابي رايكم ونصيحتكم لي
انا بنت عمري 20 سنه
من لي 3 شهور وانا تعبانه نفسيا بسبب المشاكل اللي جالسه تصير عندنا بالبيت من شهر 10 العام واحنا بمشاكل من مشكله لمشكله ننتقل ابوي وامي من جهه اخوي وزوجته من جهه اختي وزوجه من جهه امي واختي من جهه ضد اخوي يعني ابد موووو عارفه اروح لمين او لمين لي اخو اصغر مني بسنه برضوا مثلي جالس يتعذب وينتقل معي من مشكله لمشكله جالسه احاول اهدي الوضع بين امي وابوي وامي واختي ضد اخوي واعطي نصايح لأخوي وزوجته واعطي نصايح لأختي عشان تبقى تعيش مع زوجه وللأسف كلهن مشاكل مالهن معنى ابوي يبغى يتزوج ويبي امي تخطبله وامي رافضه وصايره مشاكل طويله عريضه بالبيت
امي واختي ضد اخوي ماكانن يبنه يرجع زوجته بعد ماطلقه لكن هو طنش امي واختي ورجع مرته عشان بنته
اختي ومشاكله مع رجله اللي ماتنتهي ابد وعلى اسباب تافهه لأقصى درجه بس هو عنيد وهي عنيده بعد
صايره الحين اخاف يأثر الخلافات اللي بين امي وابوي ع اخواني الصغار مشاكل اختي واخوي كيفهم عن طريق الجوال اعرف اتفاهم معهم لكن اللي بالبيت مشكله ابوي وامي قدامهم صرت اخاف يتأثرون بكرا وتصير عندهم عقد من هالمشاكل جالسه الهيهم بغرفتي اغلب الوقت مجلستهم وموفره لهم كل شي بوسطها طول ماابوي وامي متواجدين بالبيت لكن من يروح واحد منهم ويبقى الطرف الثاني اخلي اخواني عادي يخرجون من الغرفه والشي اللي ريحني انهم مو ملاحظين اني جالسه ابعدهم عن المشاكل المهم اللي حصل لي انا شخصيا قبل 5 أيام انا العام كان متقدم لي واحد لكن رفضته الشخص هذا تزوج والله رزقه بطفل ومن جابت زوجته طلق زوجته بالثلاث بينهم مشاكل هو وزوجته المهم تقدم لي المره هاذي واخته كانت تقول لأمي يوم تقدمو الولد يبي البنت يقول هي اللي نفس المواصفات اللي ابيه لما قالت امي لي رفضت وعاندت انه هو معه ولد ومطلق وانا لسى ماتزوجت ليش اظلم نفسي مع شخص معه طفل بصراحه بنات انا مو قصة اني مابي اربي طفله بالعكس عندي استعداد احطه بعيوني الثنتين هو ولده واقوم بواجباتهم كلهم بس لما افكر اقول ليش اظلم نفسي وآخذ واحده معه ولد المهم رديت بالرفض طبعا كان الوقت لحظتها العصر بالمغرب جى العريس وابوه واخوه يطلبون ابوي اني اوافق واتزوج ولدهم قالو خل تفكر وتاخذ وقته بالتفكير بصراحه يوم جلست افكر ابي انحاش عن بيت اهلي لاتستغربون اني اقول كذا جد ابي اطلع من بيت اهلي مليت من المشاكل نفسيتي حداً تعبانه مو رداة بأهلي بس خلاص مليت من المشاكل زهقت صارت حتى ملامحي واضحه عليه الضيقه ودايم صديقاتي بالجامعه يسألنن شنو سبب حزني وضيقتي وانا اتعذر بالجامعه وووو الخ جالسه افكر اني آخذه وافتك من هالمشاكل كله مادري صراحه هو رجال والنعم فيه واهله ناس اجاويد بمعنى الكلمه ومادياً ماشاء الله عليه الله يزيده ان شاء الله
مع العلم اني متحطمه نفسيا من جهة العرسان يعني اللي يتقدموا لي يا خرجي سجون وبقضايا مره كبيره او الصلاه الله يرحم الحال او يخطبون ومن ارد يختفون ولاعاد نسمع عنهم خبر
بصراحه مو عارفه كيف اتصرف والا شنو
ابي انهي هالمشاكل هاذي عشان ارتاح ويرتاحون اخواني من المشاكل والله كل ليله ابكي اخوي اللي اصغر مني صاير يكثر الطلعات لعيال عمامي وعيال خوالي وانا اللي طايحه فيها صايره مااعرف احترم لاابو ولا ام 24 ساعه معصبه من الي جالس اشوف واذا قلت لأحد انت كذا وكذا قام وحط الخطأ على الثاني واذا جلست اناقش مااحصل الا الدعاوي علي قسم كاره نفسي وكارهه كل شي
موووو قادره اتصرف معهم ومو عارفه اذا قراري سليم اوافق ع هذا وابعد عن المشاكل والا اجلس انتظرشاب لسى ماتزوج
انا بروحي تعبانه من اللي جالس يصيرلي من اللي يتقدمون لي ويختفون ماعاد يجون بحد ذاته هذا الشي يجرحني ادري ان كل شي مقدر ومكتوب بس شي يجرح ان احد يرفضك كـ أنثى
بنات بليز انصحني بكل اللي قلت قلن لي شنو اسوي
:icon33:
أحــساس أنثـــى @ahsas_anth_57
عضوة جديدة
يلزم عليك تسجيل الدخول أولًا لكتابة تعليق.
الله يهديهم كلهم
بالنسبه للوالده مو غصب تروح تخطب لبوك ، احسه بيغصبها على شي ماتبغاه اذا ملزم مره خليه يتزوج بنفسه عاد يدبر نفسه
واخوانك المتزوجين يحلون مشاكلهم بنفسهم انتي مالك شغل
لاتصيرين حمالة الأسيه وتعودين اللي حولك انك تحليلهم مشاكلهم
وبالنسبه للمعرس اللي تقولين معه ولد
اذا مايتعيب وافقي لكن اشترطي عليه انك ماتربين الولد + تكملين دراستك
وتوكلي على الله
بالنسبه للوالده مو غصب تروح تخطب لبوك ، احسه بيغصبها على شي ماتبغاه اذا ملزم مره خليه يتزوج بنفسه عاد يدبر نفسه
واخوانك المتزوجين يحلون مشاكلهم بنفسهم انتي مالك شغل
لاتصيرين حمالة الأسيه وتعودين اللي حولك انك تحليلهم مشاكلهم
وبالنسبه للمعرس اللي تقولين معه ولد
اذا مايتعيب وافقي لكن اشترطي عليه انك ماتربين الولد + تكملين دراستك
وتوكلي على الله
استخيري وتوكلي على الله ... يما شفنا ازواج الله وفقهم بزواجهم الثاني وكان عندهم طفل وطفلين ... استغلي الفرصة والله يوفقك بس اهم شي بعد الاستخارة والاستغفار ,... وعلى قولتك عريس ماشاءالله من كل شي مافي شي يعيبه . روحي توكلي على الله وعيشي حياتك بهدوء وسعادة ترى الواحد يسعى لمصلحته .. الله يوفقك ويهدي اهل بيتك .. وبالنسبة لمشاكلهم شغلوا سورة البقرة بالبيت كل يوم . وابشري بالخير ؟
الصفحة الأخيرة
واذا على المشااااااااااكل بكل بيت الا متنحل وتهدا بعد فترة
بس انتي حساسه وتفكرين كثير تعلمي البرود شوي
وهدي وروقي وشاوري والاستخارة بيقين اهم شي
والله يسر لنا ولك كل خير