تكملة لقصتي معاناة مطلقة خذلها الاقربون

بسم الله الرحمن الرحيم
تكملة لقصتي ...... كانت زوجة عمي امرأة طيبة واولادها طيبين ولاكن يجب ان اعمل لكي لا اثقل عليهم
ولاتفهمو اني احمل البيت على اكتافي فكانت اعمالي على قدر استطاعتي كنت اطبخ واغسل المواعين واسوي قهوة وشاهي ولو جلست ما ارغموني على العمل لاكن لم ارد ان اكون عالة على احد وهم تعلقو بي جلست عندهم 8 اشهر وكنت احاول اتغلى عليهم اقول بروح لوالدتي وانا بروح مكرهة بشوف قدري عندهم فكانو يقولون لاتروحين او لاتطولين حسيت انهم فرجو لي فرج وحسيت اني منهم وان لي قيمة عند احد ويجيني حنين افكر بولدي بيوم من الايام جاؤو عمي ووالدي لزيارة جدتي علشان الناس اكلت وجههم وقالو بنصلح بينكم فرفضت بعدها ابوي قال بحطك انت واختك واخوك ببيت جدي انا قلت انت مستعد تصرف علينا
زي بيتك الثاني فقال ايه سكنا انا واختي واخوي عشنا ولاكن حدثت مشاكل تزوجت اختي وعشت مع اخي وهو لم يعتد علي كاننا غرباء وخواتي يولدون عندي او اروح عندهم بيوم احد خواتي بتولد قلت ابغى شغالة بيني وبينك يعني ادفع نص القيمة وهي النص وهي الصغيرة والحاجة لها بفترة الاربعين لاني اتعب وابغى مساعدة ورفضت مع انها قادرة صار شجار وتدخل اخوي وضربني
انا زعلت وتركت المكان وصرت لحالي بالغرفة ما اكلمهم ولما خلصت اختي من الاربعين واخواتي الست
كلهم ضدي واخوي بعد ضربي صار نفس الشي دخلت بمركز التأهيل الشامل وانخطبت لواحد كبير بالسن عن طريق بنت تزوجت هذا الشخص علشان الذرية تنفعني هو ماله الا بنات يبغا ولد الرجل عمره
بالتسعين انا تزوجته ورحنا لمدينة اخرى المهم شرطت عليه قبل الزواج بيت وشغالة ولحالي ووافق تزوجنا
اول يوم لقيت زوجته جابت شاهي لاني ماعندي غاز والرجال كبير مايقدر يشيل غاز وانا فوق لازم استعين فيها وقلت كلنا خوات ولازم كل واحد يعيش مع الثاني
وسلمت عليها بالبداية وعطيتها هدية كانت طيبة بس بناتها غيروها ليلتي كانت ماتخليني ارتاح تناديه او تطلع لنا والبيت ومايبغا مكيف ينومني بالحر مافيه مفتاح كان وقتي من 10 الى 2 لانه امام مسجد فكان يروح لغرفته تحت وانا مثل المجنونة لحالي
لا احد يكلمني ولا اعرف احد على الوضع هذا 7 أشهرخدامة لزوجته بدل مايسوي شروطي كانت زوجته تعطيني بقايا اكلهم
بعدها قلت له بولد اختي فجاء زوج اختي واخوي من الاب ياخذوني
وبعد ماوصلت هناك طلبت الطلاق والرجال ماحلل ولا ريال دفعه قلت لابوي وماوقف معي بالاكل ووقف ضدي المهم الرجال قال يبغا المهر وماسمح بولا قرش حتى صباحية العروس طلبها شكله يبغا الطلاق مني ومايبغاني اصلا رحت اجمع من هنا ومن هناك فرحت لعمي الملياردير ابو زوجي الاول فقال حطي الي عندك وانا اكمله قلت ماعندي الا ذهبي كان المهر 30 الف عمي حط 12 الف وقال هذا الي عندي وانا بعت ذهبي وجا عمي الثاني وتكلم للي يعرف وكملنا المبلغ عمي قال ماتسامحها عن الصباحية الفين وبصعوبة سامح بخيل عموما بغيت ارجع للبيت الي عشت فيه مع اخواني فرفضو عمي وابوي ورجعت لامي وقال زوج امي لخالتي لو جلست هنا بطلق امها وصلني الخبر
المهم جاني اتصال انه اعانتي نزلت ولازم استلمها وانا في مدينة ثانية فكلمت المدير وقال بأي مدينة انتي وحولها لدار اليتامى بالمدينة الي انا فيها رحت اخذ اعانتي فكانت المديرة طيبة قالت لي تبغين تشتغلين عندنا فقلت هل فيه سكن (هذا اهم شي ) قالت تعالي بعد شهر علشان موظفة بينتهي عقدها وتكونين بدالها ........... راح اروي لكم تجربتي بدار الايتام وكيف كانت حياتي هناك بأوقات ثانية ان شاء الله



بالنسبة للي بنتها معاقة وردت بالموضوع الاول لاتتعقدين امي شخصيتها ضعيفة لو كانت قوية كانت قالت بنتي
وفرضتني عليه مع انه معاق وماله غنى عنها بس عارف ضعفها تقدرين تفرضين قوتك على الرجال وتختبرينه
ولاتحملين على طول شوفي شخصيته لما يتبين معدنه فيه رجال تحطينهم على الجرح ويطيب
اهم شي لاتضعفين