تم رفضي

السلام عليكم
قبل اسبوع دقت حرمة على امي وان ولدها يدور وحده ماتسوق ولاتطلع وجهها ولا عندها طلعات اسواق وصديقات وانا كذا … المهم اتفقوا وتمت الشوفه عمري ٢٩ و اول مرة ادخل شوفة ههههههه

دخلت على الولد ومديت له البخور طبعا كنت مرة مرتبكة .. و ابوي يهلل ويرحب ويقول ابد شوف البنت هذي هي مع اني ما حطيت مكياج بس روج وماسكرا وبلاشر ولبست فستان دنتيل راحت امي معي الظهر و رجولها توجعها تدور معي المهم يوم طلعت من عند الولد رحت لامه
اول ماشفتني مدري ليش احسها كشرت 😂 وتطالع فيني وتنزل عيونها مع اني مب شينه يعني وجهي ما ينفر لذا الدرجة و هي قايلة لنا ماعنده مواصفات معينة اهم شيء نحيفة .. وجلست تسألني وسئلت عن تخصصي وقالت ماشاء الله
مع ان امي قالت خلي الولد يجي لحاله قالت لا الولد يستحي يجي لحاله لازم اجي معه و يوم جت قالت كانت اختي بتجي بعد بس انشغلت.

وطبعا طلعوا وردوا علينا اليوم الي بعده بالرفض بالبداية حاولت اتماسك وانه طز ايش يعني بس احس انجرحت كثير يا بنات الحمدلله املي بالله كبير بس نفسيتي تدمرت خصوصا كل ما تذكرت حماس اهلي وكيف كانوا متوترين معي … وجلست يومين نومي مخربط بس الحمدلله

دعواتكم لي بالعوض والخلف الي يجبرني .