تنا قشت مع الوالده

مرحبا
حنا عندنا اقارب عندهم بنت في ثاني او ثالث ثانوي ما ادري بضبط وحنا عندنا اخواني شباب مو متزوجين
المهم اهل ها البنت بس يصرحون تصريح قوي امها وابوها واخوانها وبس شابين على اخواني ان احد منهم يتزوجها وامها كل مره تفتح الموضوع بس اخواني ما عندهم نيه يتزوجون وحتى لو قررو الزواج مايبون من الاقارب
امي مره تسولف معي وتقول ماشاء الله عليهم ها الناس يدورون لبنتهم الرجال الطيب والله لايضرهم وما الى ذالك
انا قلت لمي يمه طيب ليش انتم ما تسوون لي مثل ماهم يسوون لبنتهم يمه شوفي شوفي الناس يهتمون ببنتهم مع انها صغيره وما بعد ريشت اشوفهم مره مهتمين فيها وشايلين همها كنها ام 40 سنه
وانا الي عمري 30 ما احد شال همي اذا ان الي يسوونه بنظرك موعيب وتمدحيهم على ها الخطوه انهم يخطبون لبنته طيب يا الله انتم سوولي ما يسوون هم لبنتهم انا ما اقول روحو اخطبولي او دورولي رجال انا اقول عادي لمحو تلميح اذكر مره ام البنت هذي دائم تتكلم عن ولد جيرانهم عمره 36 وعلى قد حاله واهله يدورون له وعسى الله يرزقه وحده تقبل فيه يمه ليش ما تكلمين هذي الحرمه وتقولين لها وش صار على ولد جيرانكم الي يدور وترى والله لو يجينا ما رديناه وياليت تقولين لهم عن بنتي امي قالت ماش صعبه وما اتجرى
انا قلت لمي كيف يمه ما تجرئين وتستحين من ها الحرمه وهي ما استحت مننا يوم انه تلح علينا اننا نخطب بنتها الي ما بعد ريشت وبعدين حنا ما رحنا نخطب من عيالها يمه انا ادري ان الزواج قسمه ونصيب وانا متوكله على الله بس والله اني اتضايق اذا شفت الناس يهتمون ببناتهم الي توهم صغار وبثانوي والطريق قدامهم انا اعتقد اني انا الي لازم اهلي يهتمون بي ويشيلون همي لاني كبيره
يعني هم حلال على بنتهم وانا حرام علي والله اني انقهرت