تنظيف البشرة يابنات جدة .. ممكن كل وحدة تدلي بدلوها الله يخليكم..

السلام عليكم..


بنات انا حابة أسألكم عن تنظيف البشرة أو الفيشال.. يعني بخار وتنظيف وكريمات وكذا



انا اعرف اسوي في البيت بس مو شي مرة :( اخر مرة خربشت وجهي من كثر ما ضغطت عالحبوب وسارلي دحين 4 ايام من يوم سويته ووجهي لسه مخربش ومخطط الله لايوريكم هههههههه :icon28: جبت العيد والله..



الله يخليكم واللي تساعدني بدعيلها إن شاءالله.. اللي تعرف وحدة تعمل فيشل كويس مررررة ممتاز في محل او في البيت .. أيا شي

المهم أطلع من عندها مبسوطة ومبين على وجهي التنظيف واللمعة والبياض.. ومايطلع لي حبوب بعد التنظيف..

بس اللي اعرفه ان فيه ناس يسووه في محلات شغل عدل ونظيييييييييييف تطلع الوحدة تلمع ماشاءالله..


بس انا مرة سويتو في (دينا) بس اتعدم وجهي بعدها .. ومرة عملت عند وحدة لبنانية اسمها مريم في عيد كلينك بس من 3 سنوات يمكن .. وهذي ماعدمتلي وجهي بس في نفس الوقت ماعملت ولااااااشيييي..طلعت من عندها زي مادخلت .. كله تخبيصات كريمات عالفاضي ومبلغ وقدره كمانه..



يلا همتك الله يخليكم ياحلوين.. لا تكسفوني :26::26::26: