توتر بعد الاربعين طبيعي ؟؟

السلام عليكم ..

كيفكم ؟ ان شاء الله بخير ..

انا صراحة اول مرة اكتب مشكله لي بس من الضيقة ماادري لمن اشكي ..

مشكلتي هي :

انا توني طالعة من النفاس واكل حبوب منع الحمل وطبعا هذي اول ولادة لي :)
المهم انا من رجعت لبيتي وانا نفسيتي اكس مدري ليه ودايم اتهاوش مع زوجي واحيانا يكون على امور تافهه جدا بس مدري انا نفسيتي عقب النفاس متغيرة والاحظ حتى هو من عقب ما رجعت وهو متغير علي مدري ليه يعني مو مثل اول مدلعني ويحبني احسه كأنه كارهني :(
والله احيانا احاول اضغط على نفسي عشانه بس مدري وش السبب وهذا اللي مغير نفسيتي للأسوأ لما شفته هو متغير علي ..

بنات انتم اذا طلعتو من النفاس عادي يتغير فيها زوجك يعني هل هي فترة بسيطة ويرجع مثل قبل او ايش السبب تتوقعون ؟؟

لاتقولون اني تغيرت عليه والله اني مدلعته مثل قبل او احسن واحاول حتى ماابين اني مهتمة بالبيبي واحاول بقدر الامكان اكشخ واتزبط له مع انه بررررررد بس لاجل عين تكرم مدينة ومع ذلك ماشفت اي فايدة :(
انا ماتغيرت نفسيتي الا عقب ماشفته متغير هو ومرة ضايق صدري :(

وحاولت ابين له ليه متغير علي بس مو راضي يقولي شي :(