توفت الحرمه وصدقتها عندي .....وش اسوي

زوجي لما توفت امه الله يرحمها طلع صدقه عنها لمعارفها الحريم كبار السن وعن طريقي وزعتها لكن بقيت وحده ماقدرت اوصل لها لانها كانت بمستشفى العجزه كونها وحيده بدون زوج وابناء ...... ونسيتها والحرمه توفت الله يرحمها

من كم يوم ارتب شنطتي القديمه لقيت الظرف ومكتوب عليه اسمها في دفتري الصغير والصراحه لمت نفسي لانها كانت امانه وماوصلت


هي عباره عن الف ريال وانا ناويه احط فوقها الف من عندي واخليه في ثوابها الله يرحمها برايكم ايش افضل عمل وان شاء الله يوصل لها


انا يوميا بصلاتي ادعي لها بالعفو والرحمه وادعي لامها وابوها لانها ماتت كبيره بالسن ووحيده بدون زواج لانها معاقه


وافكر اعمل لها صدقه جاريه باقتطاع من راتبي لو مبلغ صغير كل شهر ايش الافضل كفالة يتيم ولا بئر ماء


ولانها تقرب لي من ناحية جدودنا الكبار يعني فيه صلة قرابة دم واظن الناس نسيوها ولا عندها ابناء فمحتاجه لمن يتصدق عنها وانا حابه اقوم بهالشي لعل الله يبعث لي بعد الممات من يتصدق عني


افيدوني بافكاركم