توني جايبه ما اسرع انتهى... كم باقي كم صرفتي

لا اله الا انت سبحانك أني كنت من الظالمين
هذي ياطويلات العمر سالفتي بقولها لكن وقولولي أزواجكم كذا ولا كيف لما يعطيك فلوس؟؟؟

شوفوا المحروس ابو عيالي الله يسخره لي ويهديه لما اقوله أبغى فلوس يقول ليش واذا أعطاني (اكيد راح يكون مبلغ قليل ) يقول وين صرفتيها وكيف وكم باقي
واذا قلت بروح السوق أبغى فلوس يعطيني مبلغ بسيط مايكفي لمشترياتي أنا فكيف بيكفي اثنين من عياله معي
وطبعا لما ارجع يبدأ تحقيق كم صرفتي وكم بقي وش اشتريتي. وهاتي الباقي
وهذا وانا اغلب احتياجاتي متنازله عنها مثل العطور والمكياج
واغراض البيت لما يروح السوبرماركت طبعا ينقص من القائمة اللي أنا كاتبتها واذا انتهى شئ وأقول جيب يقول ما اسرع خلص توني جايب هذي كلمته مايغيرها الا لما اثبت له انك شريتها يوم كذا وكذا
وطبعا أنا صار مالي نفس اطلب منه شئ عشان ما أتعرض للتحقيق متى جبته ومتى انتهى وكم بقي معي
والسوق أحاول انه هو يوديني عشان يشوف الأسعار وناااااادرا مانروح وسوق الذهب حدث ولا حرج 7 سنين ماشفته ولا شريت منه لا لي ولا لغيري
والحمدلله الحاله ميسورة ولا ديون ولاغيرها

قولوا لي هو طبع الرجال كذا ولا هذا تصرف الحريص؟؟؟؟
دعواتكم الله يسخره