ثقتي بنفسي

السلام عليكم
اهلا حبيباتي
اليوم راح اناقش معكم موضوع الثقه بالنفس والي يهم كثير من الناس


من وين تستمد الثقه بالنفس ؟


وليه بعض الناس واثقين والبعض الاخر بمحاولات مستميته فاشله عشان يحصلو على الثقه ويرجعو اسواء من قبل؟


ايش للي يرفع الثقه بالنفس؟


احترامي لذاتي ودفاعي عنها وحمايتي لها هي من يرفع ثقتي بنفسي
اي نعم
كيف ؟
الوحده لما تكون عندها المقدره انهاترد على الي قدامها لما ترمي عليها كلام سيئ ،وتقدر تاخذ حقها لما تكون مظلومه او ينقص شي من حقها هذي
.
.
(هذي تكون ثقتها بنفسها عاليه )
.
.
.اما الانسانه الي تتلقى كلام جارح وتنظلم ولاتدافع عن نفسها هذي تكون ثقتها ضعيفه
.
(.مو الثقه بالنفس هي الي تخلينا نرد وناخذ حقنا من غيرنا لا العكس
اخذ الحق والرد هو الي يخلي ثقتنا باانفسنا تزيد)


فاهمين


الانسانه الي تاخذ حقها ثقتها بنفسها زايده لانها انسانه احترمت ذاتها ودافعت عنها
تمشي وراسها مرفوع بالحقيقه راسها مرفوع لان لما تزيد الثقه بالنفس يااخذ الجسد وضعيه الشخص الواثق القوي لاشعوريا وهذا شي موجود حتى عند الحيوانات هل الحيوانات تفهم اولها عقل ؟لا.
هذي الوضعيه تعني القوه والشجاعه والاستعداد للقتال والدفاع عن النفس
لاحظو جسم الاسد ووقفته ولاحضو الحيوانات الثانيه كيف وقفتها
وهذاشي خلقي لاشعوري يحصل دافعي عن نفسك تزيد ثقتك بنفسك وليس العكس


لما تدافعي عن نفسك راح يجيك شعور اعتزاز ومنه كانك جالسه تتفاخري قدام نفسك وتقولي شفتيني يااعصابي يانفسيتي ياصحتي ياقلبي ياكبدي يابنكرياسي شفتوني كيف قدرت ادافع عنكم واحميكم شفتو كيف انا قدها
لاكن لما ماتدافعي عن نفسك وش يصير
اها الوعد في البيت شوي اوصل وراح اوريك ايش اسوي فيك ويمكن تضربيها وتشتميها
ماقد حصلك موقف وماقدرتي تردي على قدامك
وصلتي البيت ودخلتي غرفتك وقفلتي الباب على نفسك وجلستي تطالعي المرايه وتقولي لنفسك والله اني كنت غبيه ليه ماقلت كذا وكذا ليه مارديت انا حقيره وتبتدي تشتمي نفسك واحيانا تشدي على اسنانك وتقبضين يدينك وتضربين فيها على فخذيك تخيلتو الموقف
وكانك جالسه تعاقبين نفسك الي خذلتك وتضربينها وبعض الناس لما يشوف وجه بالمرايه يبصق على وجهه وبعضهم مايبغى اساسا يشوف نفسه بالعربي ماني طايق اشوف وجهي ولااتشرف




وللحديث بقيه
ان شفت تشجيع راح اكمل