كوبونات الراقية تسجيل الدخول

هلاليه ذوق

جاااااارنا الشايب النشبه

الأسرة والمجتمع •

السلام عليكم ورحمه وبركاته

.



.



.



.

بنات ابي اقولكم مشكلتي وهي عن جارنا العله واللي صار ابوي يهاوشنا بسبته ماقول غير حسبي الله عليه :44:

تخيلوووا كل يوم يجي عند ابوي انتم عندكم زواج انتم عندكم مشاكل بالبيت انتم ليش كذا انتم وانتم وتكبر القائمه :icon33:

تخخخخيلوا يوم توفى عمي جونا عماتي بالبيت وطبعا حريم مات اخوهم يعني مافي داعي اشرح وضعهم اتصلت مرت ولدهم الو السلام عليكم وش عندكم سمعنا اصواتكم وقلنا نشوف وش فيه :35:

اليوم ابوي درى ان بنات عمتي بيجونا قال هدوا اصواتكم .........الخ قلنا ليش فيه شي قال جارنا مزهقني كل شوي يجيني وش عندكم وش عندكم المهم انا عصبت وقلت هو وش دخله فينا نسى الاصوات اللي تطلع من عنده :mad: قام ابوي هاوشني انتي ماتحترمين حقوق الجار :icon33:

تخيوا نسمع صوت المكنسه بالفجر وماعمرنا تكلما او فتحنا فمنا بكلمه لابوي اصوات ضحك عيالهم الشباب وساكتين بحجه كل واحد حر ببيته :04:

ولدهم يوم سافروا اهله جاب كلب للبيت وازعج امم الجيران الكل شكى منه ويهاوشه الا حنا بالعين العافيه ابوي يقول وين حقوق الجار << يقصد عيب نتكلم والجار يستر عالجار


هذا قطره من فيض اللي ابيه منكم كيف نتصرف معاهم لان من اليوم وانا على اعصابي منه :angry:
26
3K

يلزم عليك تسجيل الدخول أولًا لكتابة تعليق.

تسجيل دخول

kŌŌL
kŌŌL •
الله يحفظ ابوج ان شاءالله ويسعده

حبيت اسلوبه الله يكثر من امثاله

والله ماعرف شقولج بس ماحبيت اطلع هييك

الله يهديه ان شاءالله





لا اله الا الله وحده لا شريك له له الملك وله الحمد يحيي و يميت

بيده الخير وهو على كل شئ قدير
شلال الورد
شلال الورد •
ناس فضولية ماعليك منهم ..

أنتي أصبري شوي ويفقعها أبوك بوجهه ...

يااااااااااااشيييييييييييييييييين النشباااااااااااااااااااااااااااااااات ..
ايه يادنيا
ايه يادنيا •
الله يصلح جاركم والله حاسه بمعاناتك والله يعين تخيلي احنا مانطلع للحوش كثير ليه علشان اولاد عمي مايسمعون اصواتنا المشكله اذا جيت اطلع للحوش اسمع اصوات بناتهم والله حاله لاجيتي انتي واخواتك بالحوش وتجلسون ويطلع منكم صوت عالي >>غصب عنكم
يكلمون وش فيكم يالله طيب خايفين لاكن يمووونون بزياده و قصرو اصواتكم ولدنا نايم بالغرفه لا كن الله يعيييين واخوي بعد يرفض لاجلسنا يقول بتطلع اصواتكم اه الله يعوضنا بالبيت الجديد اميين
mona raja
mona raja •
عندنا وعندكم خييير جارنا عللله اخس من جاركم لكن اصبر على جارك السؤ يايرحل ياتجيله مصيبه تاخذه
ريحوني تعبت
ريحوني تعبت •
عادي عزيزتي كلنا مرينا بهالأشياء اذكر يوم كنت بنت دايم أبوي يهاوشنا ويقول فضحتونا أصواتكم واصلة الشارع معنا نسولف بهدوء وإذا راح لصلاة قال قصروا أصواتكم الناس رايحين المسجد يسمعونكم والظاهر والله أعلم يمكن فيه واحد من الجيران مثل جاركم