هم ساكن قلبي وجرح مارضى يطيب
مر على الموضوع حوالي سنة وكل يوم يتجدد الحزن

حياتي معه معانااااة وكفاح من طالب ماحيلته الى موظف مرموووق باكبرالمناصب

اهله قلوبهم حجر وناس ماتخاف الله تحملت منهم وصبرت الي ما احد قدر يصبره

قدامي اسد وعند اهله نعامة

يبرر ضعفة بالبر ويدوس علي وهو يقول انا عارف انك مظلومة بس تحملي:(


بعد ما وصلت مشاكل اهله حدها وكنت بحالة يرثى لها من هم على اخوي
وهم على اختي الي زوجها توفي وكنت بحالة ما يعلمها الا الله
وهو يقول اهلي واهلي
قلت له خلاص انا ما اقدر اكثر من كذا رح تزوج
وهو ما صدق وبأحلك ظروفي
راح و تزوج وطعن قلبي بخنجر مسموم

تزوج وحدة لاجمال ولا عقل ولادين ولاحكمة (((انا ما اتشمت لكن هذا الواقع

رحت شفتها بعد كم شهر بعد وكانت هذي رغبتها ورغبت زوجي
وسلمت عليها وحسيت لها بالرحمة وتخيلت لو انها اختي او احد يعز علي
فرحمت حالها

عمري ماشمت فيها لا عند زوجي ولا عند اهلي ولا حتى عند نفسي

انا المثالية في كل شيء والي طول عمري رافعة راس زوجي بكل شيء
بشهادته وشهادة الجميع
يتزوج وحده مافيها شيء ولا شيء

صبر عليها وتحمل كله مستحي من اخوها الي اهداها عليه
يقولي رجولتي تأبى علي اطلقها


طيب وين رجولتك معي !!!:(

ضعييييف ويبرر ضعفه بالرجولة
ما يقدر يتخذ قرار صح
ويحزم الامور
نغرق بمشاكل مالها اول ولا تالي بسبب تصرفاته الهوجاء

والحين زوجته ولدت وجابت ولد

بنفس اليوم الي ولدت فيه بكيت دم

وبعدها زرتها بالمستشفى
ما احد اجبرني
بس لله اولاً وثانياً أخلاقي تأبى علي ان اشوفها مرة واتعرف عليها وبعدها تولد ولا ازورها

طبعا زيارة رسمية وبعدها لا ابي اشوفها ولا تشوفني
مع انها حبتني واعجبت باخلاقي

لكن علي صعب ما اقدر اكثر من كذا

الغريب اني شفت ولدها وحبيته:(
مع ان عندي اطفال
لكن حنييييت لولدها ما ادري ليش!
والحين شايلة الهم الكبيييير الي هو كيف اعرف اطفالي باخوهم
لان مهما كان شعوري هذا اخوهم ولا ارضى بقطيعة الرحم

لكن الله يصبرني ويرفع عني الظلم يا الله:(

ادعولي يفرج ربي همي وينصرني على من ظلمني ويفرجها علي يااارب