السلام عليكم ورحمة الله وبركاته
جارتي يابنات تصير صاحبة العماره ..
هاذي الجاره الله يصلحنا وياها احس انتقاداتها كثيره
مره دقت على جرس الباب في الظهر وهاذي اول مره تقابلني واقابلها المهم إنها كانت معصبه تقول ليش زوجك يسكر باب العماره المهم إنها غلطت على زوجي وسبته بكلمه وانا مدري وش فيني تبلمت وانقهرت منها المهم ماخبرت زوجي وطنشتها وقلت حرمه كبيره وزوجي يابنات إنسان طيب وخلوق
المهم وتمر الايام وتزورني وازورها ومره وانا عندها بس ادقني بالكﻻم تقول ماقط سمعت صوت مكنستك قلت دوبني أمس مكنسه وصرت بين فتره وفتره اكلمها وارسل لها اكل من طبخي وإذا قابلتها اسلم عليها وابوس راسها وأنا يابنات طيبه معها واعاملها بإحترأم وزوجي قط خدمها في كذا حاجه المهم مره جانا مطر غزير وامتﻻ سطح العماره وفاض ﻻنه كان مسدود من سوء النظافه ودخلت المويه جوات شقتنا ومررره تضايقنا وماقلنا شي والسطح تابع لشقتها
واخر مره كلمتها وجلست تتنقد تقول ليش ماتكنسين الغبار من عند باب شقتك قلت ما اقدر زوجي ما يخليني اطلع قالت سكري باب العماره وكنسي قلت مااقدر اخاف ينزل رجال من العماره ويشوفني ..
قالت اللي يبي ينزل راح يتنحنح قلت ما اقدر المهم إنها رفعت ضغطي وجلست تعطيني محاضره طويله عريضه عن النظافه
وان اللي قدام بيته وسخ جوة بيته بيكون وسخ انا هنا انقهرت وحسيت بالغبن
قلت ﻻعاد انا بيتي نظيف الحمدلله
وفي النهايه جلست ترقع كﻻمها
المهم إني سكرت بسرعه ..
واحنا يابنات باب شقتنا قريبه من باب العماره واول ما استاجرناها كانت الشقه حالتها حاله تحزن المهم إن زوجي حط فيها حول العشره اﻻف مابين ضرب بويه واصﻻح بعض الحاجات لين صارت الشقه مثل الورده تفتح النفس .. وهي قد جاتني وشافت الشقه .. وانا قررت إني ما اكلمها وﻻ يصير بينها زيارات
ﻻنها غلطت علي اكثر من مره
ايش رايكم يابنات ..
يلزم عليك تسجيل الدخول أولًا لكتابة تعليق.
صراحه انتي اعطيتها وجه ترا انتو ساكنين بالعماره بفلووووووووووووووس مو صدقه من عندها عشان كل هذا قولي لها انتي صاحبه العماره جيبي خدامات او عمال ينظفونها هذي مو شغلتنا وخلاص خليك قويه معاها وقللي زيارات وصيري رسميه ولا غلطته بربع كلمه لا تسكتين لها وماتقدر تلعكم من العماره ولا تسوي شي أساسا
وبقول لك سالفه عشان تطمنين اخو زوجي كان ساكن ايجار عند شخص غثيث وكل يوم ينط له لا تستخدم الدريل لا تخرب الجدارن لا تسكرون الباب بقوة واذا جوة ضيوف يكلمه لا يوقفون سيارتهم هنا وبعض الأحيان يدق عليهم الظهر تخيلي يقول لعياله ايش هالريحه قول لامك لا تطبخ هالخياس قصده سمك واخرتها يوم اخو زوجي كلمه مايصير كذا يابو فلان قال مو عاجبك اطلع قال له طيب انت الي بديت وطنشه وجا موعد تسليم الايجار 6 شهور وجا مثل الذبانه يبي اجاره قال له عندك المحكمه اشتكي مابدفع وراح اشتكي عليه ولا راح اخو زوجي الموعد مره ومرتين والثالثه راح عشان لا يستدعونه ولما كلمه الشيخ قال له انا متعسر وبعطيه شهريا المقسوم ووافق وصار مثل الشحاذ ويتعذر له ويقول له مايصير ولا تدخل ببطن عيالك حرام وباقي شوي يبوس رجله واخر شي قبل لا يطلع من عنده أعطاه الايجار ابراء للذمه فقط بس ادبه صح
وبقول لك سالفه عشان تطمنين اخو زوجي كان ساكن ايجار عند شخص غثيث وكل يوم ينط له لا تستخدم الدريل لا تخرب الجدارن لا تسكرون الباب بقوة واذا جوة ضيوف يكلمه لا يوقفون سيارتهم هنا وبعض الأحيان يدق عليهم الظهر تخيلي يقول لعياله ايش هالريحه قول لامك لا تطبخ هالخياس قصده سمك واخرتها يوم اخو زوجي كلمه مايصير كذا يابو فلان قال مو عاجبك اطلع قال له طيب انت الي بديت وطنشه وجا موعد تسليم الايجار 6 شهور وجا مثل الذبانه يبي اجاره قال له عندك المحكمه اشتكي مابدفع وراح اشتكي عليه ولا راح اخو زوجي الموعد مره ومرتين والثالثه راح عشان لا يستدعونه ولما كلمه الشيخ قال له انا متعسر وبعطيه شهريا المقسوم ووافق وصار مثل الشحاذ ويتعذر له ويقول له مايصير ولا تدخل ببطن عيالك حرام وباقي شوي يبوس رجله واخر شي قبل لا يطلع من عنده أعطاه الايجار ابراء للذمه فقط بس ادبه صح
اعطيتها وجه وهي ماتستحي
لو كانت جارتي كان اقولها مالك دخل
حسيتها ام زوجك مو جارتك
ليش تبوسي راسها؟؟؟!
المفروض تعطيها بقس👊ع راسها يمكن تهجد😂
اتركي الطيبه الزايده
لو كانت جارتي كان اقولها مالك دخل
حسيتها ام زوجك مو جارتك
ليش تبوسي راسها؟؟؟!
المفروض تعطيها بقس👊ع راسها يمكن تهجد😂
اتركي الطيبه الزايده
الصفحة الأخيرة
بس ممكن كل بعد فترة ترسلي طبق
ولما تبي تجي اعتذري