السلام عليكم..
انا ساكنه حي جديد وتعرفت على جاره لي ببيت وحده من جارتي عرفتنا على بعض واعجبني اسلوبها واخذت رقمي ندمت اني عطيتها رقمي😂غثتني غثاء كل شوي تنط على واتس فينك ايش تسوين اسئله مالها داعي المهم استقبلتها ببيتي ورحبت فيها وجلست تتشكى من زوجها وانو هاجرها وم يصرف عليها وان حالتهم على قدهم انا تعاطفت معاها مره وحنيت عليها واعطيتها اللي ربي قدرني عليه مشكلتي مو هنا وتتشكى من الجارات انهم م يحبونها وم يجونها وان ااكل يكرهها لانها فقيره مع اني اشوف العكس لبسها حلو ولبس بناتها حلو ومرتب وزرتها مره ببيتها بيتها عادي ماناقصه شي هيا مو كبيره ب الثلاثين وعندها ولد متوظف ويصرف عليها والله حتى جوال عندها جوالين ايفون وجالكسي يعني م اشوف انها محتاجه بس اللي اشوفه ماعندها قناعه مع انا الحمدلله حالنا مستور بس م اجلس اتشكى لفلان وعلان وم اشوف ناقصها شي
برمضان عزمت نفسها عندي للفطور رحبت فيها وفطرتها بعد م خلصت جلست تسال كم تاخذين للعيد وكم زوجك يعطيك وتتكلم ياحظ فلانه زوجها يعطيها وفلانه ولدها يخرجها وفلانه عندها فلوس بنتها من التأهيل عينها ع فلوس المرضى انا بصراحه خفت منها وبديت ابتعد عنها حسيتها حسوده وعينها على فلوس الناس طيب هيا كمان عندها ولد ومتوظف المشكله ولدها مو متزوج عشان ينشغل ببيت وزوجه يعني راتبه لها بس هي الله يهديها مو عاجبها اللي عندها طبعا انا م زرتها الا مره وحده من عيد الفطر وهيا تزعجني وانا مطنشه كل شوي تنط واتس وتسال اذا جاوبت ترتاح وتهجد واذا م جاوبت تسال لما اجاوب وم ترد الا بسؤال قبل فتره كلمتها قلت بجيك بعد العشاء م استقبلتني قالت تعالي العصر ومره كلمتها قالت بروح زواج وبرمضان من افطرت عندي م عزمتني يعني تحب تزور الناس وتشوف ايش عندهم بس م تحب احد يجيها انا صراحه شكيت بعد حركاتها ان زوجها مو هاجرها ويصرف عليها بس م تبغى احد يعرف شكلها تخاف من الحسد المشكله ناشبه لي بتجيني صرت اتهرب منها عطوني حل معاها
ابوي ي دنيتي @aboy_y_dnyty
عضوة نشيطة
يلزم عليك تسجيل الدخول أولًا لكتابة تعليق.
فررجت
•
عادي جاوبي على اسألتها بعض الناس كذا فضولي من الله هذا الشي ولاتخاف منها توكلي على الله واقري اذكارك هالنوعيه من الناس ارحمهم
امكن انسانه على نيتها وطبعها صح مو حلو بس حليلها امكن هذا طبعا
ابتدعي عنها بهدوء بدون ماتحس
ولا خلي علاقتكم بسية واذا جلست تتشكىً قولي الله يرزقنا الحال من بعضه محد مرتاح واهم شيء القناعة
مع الوقت بتمل وتغير سواليفها
ابتدعي عنها بهدوء بدون ماتحس
ولا خلي علاقتكم بسية واذا جلست تتشكىً قولي الله يرزقنا الحال من بعضه محد مرتاح واهم شيء القناعة
مع الوقت بتمل وتغير سواليفها
Deemm
•
الله يعينك يارب , إذا الانسان فقد القناعه يتعب نفسه قبل الناس هي مشغله نفسها بالناس الله لا يشغلنا الا بطاعته
الحل بسيط احضريها بالواتس و خلاص لا تجيك ولا تجينها و تقابلو عند الجيران ( هذا اذا مرّه غاثتك و مو مرتاحه نفسياً لها )
اما اذا تعزينها بس مضايقتك شوي خلي علاقتك فيها رسميه و لا تفتحين مسجاتها بالايام عشان تطفش ماعاد ترسل و اذا بغيتيها اتصلي عليها او زوريها بس محادثتها لا تدخلينها و ريحي رأسك
الحل بسيط احضريها بالواتس و خلاص لا تجيك ولا تجينها و تقابلو عند الجيران ( هذا اذا مرّه غاثتك و مو مرتاحه نفسياً لها )
اما اذا تعزينها بس مضايقتك شوي خلي علاقتك فيها رسميه و لا تفتحين مسجاتها بالايام عشان تطفش ماعاد ترسل و اذا بغيتيها اتصلي عليها او زوريها بس محادثتها لا تدخلينها و ريحي رأسك
الناس اللي يحطوا عيونهم على فلوس غيرهم يخافوا من الحسد
خليك رسميه حاولي تبعدي شوي شوي اذا كلمتك ردي بكلمه وكلمتين ولا تعطيها اخبارك وبيني لها ان شي،ما يخصها
خليك رسميه حاولي تبعدي شوي شوي اذا كلمتك ردي بكلمه وكلمتين ولا تعطيها اخبارك وبيني لها ان شي،ما يخصها
موووفي
•
يووه الله يعينك ترى بتطفشين ولو ماحطيتي حدود في علاقتكم راح تنقلي من الحي كله .
و صعب صعب تتعاملين مع وحده غير قنوعه وعينها على خير غيرها .
وانت كوني حريصه في التعامل معاها من ناحية ردك على اسئلتها بحيث ماتاخذ منك اي خبر .
يعني كوني دبلوماسيه في تعاملك معاها ...
و صعب صعب تتعاملين مع وحده غير قنوعه وعينها على خير غيرها .
وانت كوني حريصه في التعامل معاها من ناحية ردك على اسئلتها بحيث ماتاخذ منك اي خبر .
يعني كوني دبلوماسيه في تعاملك معاها ...
الصفحة الأخيرة