جدولك الرمضاني 💎

السلام عليكم و رحمة الله و بركاته ..

كيفكم حبيباتي .. الحمدلله اللي أتم علينا نعمه و بلغنا رمضان و نحن في أتم صحتنا و عافيتنا الحمدلله حمداً تستطيب به الحياه 🌸

الكل يدري رمضان شهر خير و عباده لازم نستغله في طاعة الله و القيام لعبادته ففي كل ثانيه من هالشهر فيها الخير الكثير و الاجور العظيمه طبعاً اكيد الكل منكم مسوي جدول رمضاني يشمل الطاعات و الاعمال اليوميه الكل منكم يطرح لنا جدوله الرمضاني عشان نستفيد من بعض و ناخذ افكار صدقات و توزيعات للمخيمات و العمال و المحتاجين .. 

لازم يا بنات تملون جدولكم بالطاعات استغلو هالشهر كل من في نفسه حاجه يتمناها و كل محرومه من الذريه و كل متأخره عن الزواج و كل مريضه و كل تعيسه ابدو اطلبو الله خير الدنيا و الاخره تكثر مواضع الدعاء في رمضان فعند الفطر الدعوه تستجاب و في الاسحار و في السجود و بالصدقات يعطيك الله ما تتمنين من امور الدنيا و الاخره بإذنه لو سويتي فطور كثري الكميه و قبل الاذان ابدي وزعيها في صحون بلاستيكيه و وزعيها على كل عامل يمر في حارتكم ارسلي لجيرانك جزء من فطورك ارسلي لاهل زوجك ارسلي لاهلك اعمال الخير كثيره استغلو كل شيء برمضان كلنا ما ندري ربي يبلغنا رمضان الجاي او لا ..

عطونا جدوالكم الرمضانيه و اعمالكم الخيريه نبي الكل يستفيد 🌾

و كل رمضان و أنتم بخير و صحه و عافيه 🌙💙