جدوليه المتواضع بين يديك ""للكسولات فقط""

بسم الله الرحمن الرحيم


السلام عليكم ورحمة الله وبركاته......

أما بعد....

بنات أنا عضوه جديده ولاكن أتابعكم من أكثر من 3 سنوات والحمدالله استفدت وااايد...

وشد انتباهي الخلطاات وكثرتهن بس أغلبكم عيااااازاات ( كسلانات ) عن الاستمرار..
أنا كنت جذي وأكثر,, اذا عندي مناسبه "بس" أبتدي بالخلطات,, بس جد بنات نحن اذا ما اهتمينا بأنفسنا مين بيهتم ؟؟!!
وبعدين خليكم دايمآ على أحلى شكل جدام أصدقائج وأهلج وأزواجكم مب اليوم بيضا وبعد أسبوع سمرا وشاحبه!!

صراحه بعد النتايج الحلوه قررت أسوي جدول وأمشي عليه يعني جزء من حياتي,, وقلت أفيدكم يمكن تصحصحون وتتشجعوون,,تكونين متميزه دووم مب يووم :26: وبقولكم مع تجاربي بالخلطات وبأمانه..


أول ما أصحى الصبح آخذدوش سريع وأستخدم ENERGIZING FOAMING EXFOLIANT من ماركة Sisley.,هذا لشد الجسم وفعلآ جيد,, وبعدها أحط مرطب " لازم تحطين مرطب " خاصه مع جونا الحار..

بعد ما أرجع من الكليه آخذ بعد دووش سريع وأحط الخلطه مالت الجسم وهي:

((هاذي الخلطه ماخذتها من منتدا حواء بس ما أذكر مين كاتبها بس يزاها الله ألف خير))


علبة فازلين كبيره 1
علبة كريم جليسوليد الاحمر 1
علبة كريم جونسون مع زبدة شيا 1
زيت بيبي جونسون صغير 1 "أي نوع" أنا آخذ الاصفر مع البابونج..
نص علبة بودرة نشا الكبيره

الطريقه:
تخلطين بودرة النشا مع البيبي آويل لوحده ,, وتخلطين الكريمات لوحدها,, وبعدين تخلطينهم كلهم مع بعض..
أنا يوم أستخدمها على جسمي آخذ الكميه اللي تكفيني وأحط عليها شوية فكس وأعصر ليمونتين صغار..

تنبيه: لا تحطين ليمون مع الخلطه وتخلينها كمن يوم تعفن..

أنا صراحه هاذي الخلطه خلتني زبده حتى آثار الحبوب البنيه اللي في ساقي اختفا كليآ واستوا جسمي أأأبيض ناااعم وحلو..
الساعه 5:00 أدخل وآخذ دووش باسكراب المشمش وبعدين بنفس الشاور اللي استخدمته الصبح من سيسلي لان لازم تستخدمينه مرتين فاليوم..

بعدها أستخدم مرطب للتقشير اسمه LIERAC Body Peel هو لازم مرتين بس انا استخدمه مره..

وطبعآ ما استغنا عن الحمام المغربي وانا أسوي حمام مغربي كل نهاية الاسبوع..

هذا هو جدولي لجسمي جدآ سهل لاني تأقلمت عليه..

أما لويهي يعداكم الجذب أنا مب مستقره على كريم معين لاني من هوات التجارب في ويهي:42:

بس عندي ماسكات ما أقدر أستغنا عنهن والاول اسمه NUTRITION CONFORT من ماركت GUINOT وهذا الماسك أستخدمه أكثر من 6 سنوات كلمة فضييع شوي عليه وجدآ كنت أعاني قبل لان كل ما اسافر أخاذ كميه لان ما ينباع فالامارات بس الحمدالله متواجد حاليآ :)

والماسك الثاني فهو حلو للي فيها نمش نتيجة الشمس واسمه Intensive Revitalizing Face Mask من ماركت SHISEIDO ..

ووووووووووبس أتمنى أني أفدتكم ولو بشي بسيط..

عاااااااد مب تنسوني بدعاكم..:26: