السلام عليكم ورحمة الله وبركاته
اليوم حبيت اخترع شي يديد .. شي يكون خاص فيني .. والتزم عليه واتابع نفسي فيه واقيم التزامي بالبرنامج على اساسه .. وحبيت الفايده تعم الجميع ..
الفكره يا خواتي هي وضع مخطط لجدول نتعبه شهريا .. هذا الجدول نحاسب نفسنا على اساسه والاحلى انه ممكن نعلقه باي مكان يعني فخزانتج او على مكتبج .... الخ
طبعا كل وحدة راح تعبي الجدول ببرنامجها الخاص للريجيم .. ومتى ما يخلص يومها تحاسف نفسها اذا سوت الشي المطلوب تحط عليه اشاره (صح) او تخليه (فاضي) اذا ما سوت الشي المطلوب عليها ..
ومن خلال هالجدول راح تلاحظ الفرق بعد نهايه الشهر .. يمكن ما تفهمون قصدي بس لو تفتحون الملف المرفق راح تفهمونه اكيد ..
كل ما عليج قبل طباعته انج تعبين خانات الطرق المتعبه لرجيمج الخاص : تحطين على سبيل المثال :
1. لعب الرياضة لمدة ساعه (3 مرات بالاسبوع)
2. شرب 10 - 12 كوب ماي دافي يوميا
3. اكلت على الاقل نوع من انواع الفواكه والخضراوات يوميا
4. شرب الاعشاب المفيدة على التخسيس والهضم (السنامكي / الزعتر .... الخ) يوميا أو اسبوعيا على حسب نوع العشبة الي بتختارينها
5. شرب كوب حليب / لبن منزع الدسم يوميا
6. المشي السريع لمدة نص ساعه على الاقل يوميا
7. تناول الحبوب المساعدة على التخسيس (مثل حبوب الزينكال / حبوب خل التفاح ... الخ )
8. استخدام الكريمات المساعده على شد الجسم
9. استخدام الاجهزة المساعدة على التخسيس (مثل حزام سونا بيلت / جهاز سونا البخاري .... الخ)
طبعا هالطرق طرحتها على سبيل التوضيح والافادة .. وانتو احرار بطرقكم الخاصة ..
فالنهايه احب انوه ان موضوعي هذا راح انشره في عدة منتديات .. وامنتكم امااااااااانه الي تبي تنسخ الموضوع وتفيد فيه غيري ماعندي مانع لكن تذكر صاحب الموضوع ومكانه اقصد المنتدى .. وهذي امانه امنتكم عليها ..
جزاكي اله الف خير يا حبيبتي
وفي انتظاركم يا حبنات حواء وانا معكم
وحياكم الله :)