من زمان اتمنى انزل هاذي الطبخه وكلمه رووعه قليله عليها :o وسهله وجديده وتدوووخ والكل يسالني عنها ولا احد سالني وش جديد اعطيه الصنيه هاذي
وتكفووون الكل يدخل موضوعي يدعي لي بالتووفيق في اختبراتي عاد طولتها شوفوا الطريقه
المقادير
5حبات بطاطس صغير او 3حبات وسط او حبتين كبار
علبه جبن كرافت مبشوره
دجاجه او نص مسلوقه ومنتفه ومكشنه
ثلاث ملاعق جبن سائل او ثلاث حبات جبن كيري او مثلثات
صفار بيضه
الطريقه
(تسلق البطاطس على النار ربع ساعه يعني ثلاث ارباع السلقه بعدين تبشر البطاطس بالبشاره لاتهرسينها )
ثم نخلط جبن الكرافت المبشور مع البطاطس ونقسمها قسمين
نسلق دجاجه او نص دجاجه وبعدين ننتفها ونكشنها مع البصل والفلفل الاخضر البارد والجزر والبقدونس والا ضافات اللي تحبونها وملح وبهار
وبعد مانخلص من الدجاج نخلط معاها ثلاث ملاعق جبن سائل او ثلاث حبات جبن كيري او مثلثات
بعدين نجيب صينيه مدهونه
ونضع الطبقه الاولى البطاطس مع الجبن نص الكميه
ثم نضع طبقه الدجاج كلها
ثم نضع طبقه البطاطس ونضغط عليها ونساوي بين الطبق
ثم نضع صفار بيضه على الوجه ونغطيها بالقصدير
ثما تحمر من الاسفل عشر دقائق ومن الاعلى نزيل القصدير الى ان تتحمر ولاتخليها تتحمر مره وتقسى ونغطيها بقصدير
وهاي الصوره واعذروني مستعجله وتصوير جوال والمملوح:arb: مستعجل بياخذ الجوال مايمديني ازين عااد زينوها بليمون وطماطم الارانب حقت ام عزيزان فديتها وافرشي بقدونس
ولا احلل من ينقل الموضوع ولاينسبه لمنتديات عالم حــــــــواء
:)