جد احترت فيها هالحرمه الله يسامحها ويغفر لها

صباح الخير
قمووراتي
في سؤال محيرني
لمى يكون احد سارق منك شي ثمين من زمن بعيد يعني من سنوات
وانتي ما تكلمتني عنه ولاجبتي طاري سكتي ولا حققتي معاه لخاطر الجيره وكبر السن
والانسان يكون غريب عنك
يعني حرمه كبيره واجنبيه عنك ماتقرب لك
وبعد هالفتره هذي الطويله
تجيك وتجيبلك قطع ذهب تقول هديه منها
وعلى طول تقولك سامحيني
وتسال عنك كل فتره
وش راح يكون تعاملك معها
تسالينها بوجها وتقولين انا ادري انه انتي اللي سرقتي ذهب
عرسي ولا تسكتين مثل ما اسكتي بالبدايه
ولى كانك حاسه بشي وعادي اسلوبك معاها نفس اول احترام لكبرها وللجيره
ادري تبون تقولون الغلط مني ليش مابلغنا
لسبب واحد
كنت بنفس الليله بحالة عملية قيصريه توني والده اولدي الله يرحمه
وكنت بحاله صعبه وحرجه
ولو نبلغ اول مايطلوب صاحبة الذهب
وبعدها بفتره درينا منو وتاكدنا لكن سكتنا لاسم الجيره
لحد اليوم قسم بالله ماتكلمنا ولاجبنا طاري نهائي

بس اسولف معها بشكل واضح واقول لها ترا درينا وسامحتك من يومها
ولا عادي نفس اول نسيت الموضوع
انا لكبر سنها وبحكم الجيره سكتنا
وبناتها غاليات عليا ومواصلين معنا كل فتره نشوفهم بالاعراس بالمناسبات
لكن تصرفها خجلني منها
ابيها ما تحسسني بذنبها معاي خلاص شي صار وانتها ومقسوم وراح من قلبي
اللي اغلى من كنوووز الدنيا وياربي لك الحمد احمده واشكره على كل حال
والله يسامحها