جربت الولاده وهذي قصة ولادتي يابنات....

السلام عليكم كروشات وحشتوني حيل


الحمدلله ربي سهل علي وولدت يوم الجمعة 5/6/1430هـ وهذي قصتي بالتفصيل


كان هاجس الولاده يهاجمني كل وقت وكنت أحس إني راح أموت من الولادة ماني متخيله


إنه في انسان راح يطلع مني ....


كنت معزومه يوم الخميس وكاشخه ولا حولي ولاده ولا شيء

ولي تقريباً ثلاث أسابيع في التاسع وأنا بكريه


المهم بعد صلاة العشاء بديت أحس بمغص خفيف لكن ماتوقعت أبد إنها ولادة


وقعدت عادي أتقهوى وأسولف لين حسيت الموضوع زاد عن حده وبدى المغص يزيد


والمشكله إني مابي ألفت انتباه أحد إن فيني شيء خصوصاً أمي الغاليه


وأتصبر لين حطوا العشا وأنا ميته من الألم وأدق على زوجي وأقوله الحق علي الموت جاني


وجاني طاير ونروح الييت وأقعد لين جت الساعة 2 الليل ووصلت حد البكا من الوجع


ونروح على طول لطوارئ مستشفى الملك فهد الحرس الوطني


ويدخلوني غرفة الملاحظة ويسوون لي تحاليل ويشوفون نبض الجنين



ثم جتني الممرضة وكشفت علي ولقت الرحم مفتوح 4 سم ((كان يألم مره ))

وبعدها بساعة تقريباً ودوني لغرفة الولادة وعطوني الأبرة الشرجية



بعدها من قوة ألم الطلق قلت لهم أبي الأبرة تكفون ...\


وجتني الدكتورة وعطتني الأبرة وليتها ما عطتنيها تخدرت رجولي أول ماحطو الأبرة


وجاني دوار بحياتي ماجاني وهبط الضغط عندي وخف نبض الحنين


وشكل هالدكتورة عليميه حسبي الله ونعم الوكيل ...


بعدها قامت تجي وتروح علي وتقول أنا ماعطيتك المخدر لأن الأبرة داخله أكثر من اللازم


أو مكانها خطأ (( بكل بساطه تشرح لي هالاكلام ))


المهم زوجي كان معي بغرفة الولادة وحالته حاله مو عارف وشلون يخفف الألم عني


بس يقرا علي ويصبرني وأنا ماسكه الأكسجين وحاطته بفمي من حرارة الطلق ودموعي


مغرقة الدنيا ... المهم بدا يفتح معي الرحم لين وصل 8 سم ...


وكل الممرضات ما أرتاحوا لين رجعت أحس برجولي وأحركها


وعلى هالحال لين جت الساعة 1 الظهر وجتني الأستشارية لأن الرحم خلاص


مفتوح 10 سم وأنا أدفع بكل قوتي بس خلاص ماعاد فيني حيل


والبيبي ماساعدني أبد (( شكله نايم أبو الشباب ))


وفي الأخير خافو علي واضظرو يساعدوني بالشفط وربي سهل غلي


وولدت أجمل ولد بعيوني الساعة 2ونص تقريبا


ويوم طلع ويحطونه على صدري وهذي كانت أجمل لحظات عمري


ووليدي على صدري يالبى قلبه والله


المهم خذوه ولبسوه وأنا قامت الدكتورة تخيطيني وأنا بعالم ثاني من المخدر


اللي عطوني اياه وبعدها خذت التلفون وبشرت أغلى انسانه على وجه الأرض


أمي وقعدت تبكي وخواتي يصرخون وراها كأنهم يشجعون المنتخب هههههه


وزوجي مو مصدق إنه أخيراً شاف ضناه لأنه عاش معي كل لحظه وشافني

وأنا أتغذب ولا في يده شيء ....




والحمدلله كما ينبغي لجلال وجهه وعظيم سلطانه ....

الله يسهل عليكم ياحوامل وتولدون بالسلامة ولا يحرمكم الأجر ....






دمتم لمن تحبون


كما تحبون .....