السلام عليكم ورحمة الله وبركاته
كيفكم ياحوامل صراحه احترت وين احط موضوعي بس يمكن يصير هذا القسم انسب شي
انا لي 8شهور والده جبت اول بنوته لي وتوفت بعد 6شهور من ولادتها واول فرحه راحت
والحمدالله لان معي جرثومة القطط واثرت عليها على تكوين الدماغ وكذا البنت ماقدرت تعيش
المهم موضوعي ومأساتي طويله ماراح اعيدها لاني كتبتها كذا مره عندكم في عالم حواء اكيد كثير قروها
بس المشكله الحين وين
انا طبعا فكرت احمل مره ثانيه ومتلهفه احمل مره بس للاسف مااقدر احمل وهذا الجرثومه لسه نشيطه في دمي
اقولكم بعد شهر من ولادتي رحت لدكتور فاطمه سودانيه في مستشفى الاسره حسبي الله عليها
يوم سوت لي تحليل للجرثومه السابقه يعني فيه سابقه وفيه حديثه المفروض تسوي عن الحديثه بس السابقه ماتروح من جسمي يعطي مناعه ضدها المهم وعطتني علاج مدري وش يبي من الدنيا قعدت عليها 4شهور وماتحرك فيها شي بس سبب لي طفح جلدي رهيب انهبلت منه زي النار في جسمي
المهم غيرت الدكتوره رحت للدكتوره فاطمة المصريه في مستوصف الخليجي كثير يمدحونها لي المهم لي شهرين اتعالج عندها طبعا سوت لي تحليل الجرثومه التكسوبلاما الحديثه عشانها هي اللي تتعالج وعطتني روفامايسين مايتواجد الا في صيدلية الحبيب ولازم طلبيه وكله تقريبا كم كرتون 6كراتين في الشهر 500ريال
المهم تبهذلت معهم
والمشكله انها ماراحت مدري وش اسوي هذا 2شهر من استعمالي للدواء ولين الحين موجبه مو راضيه تروح ماخليت شي ماسويته استخدمت العسل واستخدمت الثوم وماء زمزم وكل شي مانفع معها والمشكله خايفه احمل وتأثر على الجنين يااسقط في الشهور الاولى او يموت او يتشوه واو مايعيش اذا انولد
ااااااه ياقلبي تعبت نفسيا مدري وش اسوي
والمشكله بعد الحبوب هذي اللي اخذها ماعادها موجوده في الحبيب لايقدرون يطلبونها يعني غير متوفره
تكفون دلوني وش اسوي حتى مانعه نفس من اللي تنشطها من المشويات والنقانق والمورتديلا وكل شي ينشطها امتنعت عنه لي 3شهور وبرضوا مانفع
تكفون من مرت بنفس تجربتي وش سويتوا هل جبتوا اطفال وتعالجتوا
او اذا كنتوا تعرفون احد نفس معاناتي اسألوهم وش سووا وش اخذوا علاج لها وين رحتوا اي دكتوره
تكفون مالي الا انتوا بعد الله سبحانه
يارب اشفيني ادعوا لي :44:
يلزم عليك تسجيل الدخول أولًا لكتابة تعليق.
رأي حر :
ياااربي خوفتيني لأنها معايا بحملي السابق و ولدت ولادة مبكرة وتوفى الجنين لأن معاه نزيف بالدماغ والحين حملت و حللت بأول الحمدل و الدكتورة قالت سليمة مافيكي شيء واهملت الموضوع ع بالي خلاص طبت وامس رحت لدكتورة ثاانية و قالت لازم تسوينها لأنها ماتروح وقالت للاسف السعودية ماتوفر العلاج وهو موجود بمصر وبتعطيني رقم صيدلي يوفرها ان شاءالله اذا اخذت رقم الصيدلي اراسلك عالخاص دعوااااااااااااااتكياااربي خوفتيني لأنها معايا بحملي السابق و ولدت ولادة مبكرة وتوفى الجنين لأن معاه نزيف...
طيب متى حملتي بعد حملك الاول
KWEEN :
لا يمكنك مشاهدة هذا التعليق لانتهاكه شروط الاستخدام.
مشكوره الله يجزاك خير بس المشكله ان زوجي مايبي رجال يقرى علي
يبي حرمه
يبي حرمه
الصفحة الأخيرة
لأنها معايا بحملي السابق و ولدت ولادة مبكرة وتوفى الجنين لأن معاه نزيف بالدماغ
والحين حملت و حللت بأول الحمدل و الدكتورة قالت سليمة مافيكي شيء واهملت الموضوع ع بالي خلاص طبت
وامس رحت لدكتورة ثاانية و قالت لازم تسوينها لأنها ماتروح
وقالت للاسف السعودية ماتوفر العلاج وهو موجود بمصر
وبتعطيني رقم صيدلي يوفرها
ان شاءالله اذا اخذت رقم الصيدلي اراسلك عالخاص
دعوااااااااااااااتك