جرحت اخت زوجي وقام زوجي جرحني بس جرحه من العيار الثقيل

السلام عليكم ورحمة الله وبركاته

اهلين اخواتي بنات حواء

انا باكتب لكم اللي صار بيني وبين زوجي البارح وانتوا احكموا هل انا استاهل

ردة فعله والكلام اللي قاله لي والا لا

طلعنا احنا واهل زوجي مع بعض وبعدين وحدة من خواته

كانت واقفة عند الباب والرجال كانوا برا طبعا كلهم محارمها

انا جيت ابغى امر قلت لها قفلي الباب انتي ولبسك هذا

طبعا ملابسها ما فيها شي كانت لابسه بجامه عادية عشان تسبح

وانا كنت امزح حتى اني قلت لها وانا مبتسمة

الاخت زعلت وما عاد كلمتني بعدين انا اعتذرت منها وانتهى الموضوع

المشكلة ان ام زوجي كانت معصبة من اشياء ثانية

واتوقع ان بنتها حكتها على اللي صار بيني وبينها

بعدين كانت واقفة في غرفة واول ما شافتني قفلت الباب في وجهي بقووة

انا انجرحت من تصرفها :icon33:

بس بعدين نسيت الموضوع لانها عمتي ومن واجبي احترام الكبير

وبعدين جلسنا كلنا نتعشى ولا كأن شي صار

البارح قعدت احكي زوجي على اللي صار عشان لا يقول

اني اتشكى من اهله وما اقوله على اللي اسويه انا مع ان اشياء كثير

تصدر منهم وانا اتغاضى وارمي ورا ظهري احتسابا للاجر

زوجي صار كذا :mad:

وراح تهزئ فيني يقول ليش تزعلي امي ؟

انا جلست اهديه واقوله ان الموضوع انتهى بس هو معصب مررررررررررة

يقول مدام امي قفلت الباب في وجهك يعني زعلانه وانا اللي يهمني امي ما تزعل

انا قلت على كذا لازم احترم كل اخواتك حتى الصغار واسكت عشان امك ما تزعل على بناتها

والله حتى الصغار اللي بالابتدائي والمتوسط يرفعوا اصواتهم علي وانا ساكتة

احتراما لزوجي لانه طيب مع اهلي

اللي صار انه جرحني بكلمة ما قدرت انساها

قالي انا محترم اهلك وما قد تنقصت منهم ومعروف مين الاولى بالانتقاص

( كان ابوية مبتدي بتجارة بسيطة وبعدين صارت له ظروف صحية صعبة وتركها وساءت

حالة اهلي المادية )

وقالي انا مانا حقير وقليل ادب مثلك

ااااااااااااااااااااااااااااااااااااااااااه يا بنات والله اني جالسة ابكي عشان جرحني باهلي

اهلي اللي غافلين ولا يدرون عن الموضوع ليش يجيب طاريهم

انا نمت بعدها على طول ودمعتي على خدي

كل ما اتذكر كلمته اللي قالها عن اهلي قلبي ينحرق وما قدرت اسامحه ابدا

ياليت يضربني من الحين الى بكرة بس ما يجيب سيرة اهلي

انا غلطت بس هل استحق ردة فعل زوجي ؟

هذي كل السالفة قلتها من باب الفضفضة وحابة اسمع رايكم يا بنات

بس رجاء من غير تجريح باحد لا انا ولا زوجي ولا اهله