جرحت زوجي والحين انا ندمانه

كيفكم بنات
خواتي انا حصل موقف بيني وبين زوجي وجرحت زوجي والله اني ندمانه وضميري يأنبني ماودي اقوله ذا الكلام لاني حيل احبه بس هو نرفزني وطلعني عن طوري بس الكلمه هذه ماقلتها الا لأن قبلها اسباب اولا بقولكم عشان تفهمون السالفه انا مازوجه لي تقريبا خمس سنوات وبدون اطفال ماصار حمل نهائي خلال السنوات هذه الله يرزقني ويرزق كل من يتمنى الذريه والمشكله مني ومن زوجي انا فيني تكيس وهو ضعف
واحس ان اهله يزنون عليه ودهم انه يتزوج ان قلتلكم عشان تفهمون الموقف عدل
نجي للموقف زوجي قالي بمزح انه بيتزوج يبي يشوف ردت فعلي وانا بسبب الضغوطات من التفكير في الحمل ومن اهله. تنرفزت وقلت له اذا بتزوج عشان العيال العيب منك مو مني هو تغير وجهه وزعل لاني ماعمري قلتله انك انت السبب هو زعل وقالي انتي تعيريني وعادها كم مرة انتي تعيرين انا امزح معك ان بعدها ندمت مدري كيف طلعت مني هذه الكلمه لاني ماعمري قلته انت السبب مع ان فيني تكيس بس الله العالم من السبب الحقيقي انا او هو المهم قلتله انا مااعيرك بس اي وحده مكاني يقولها زوجها كذا بتغار وبتكون هذه ردت فعلها
والله اني يابنات متندمه وضميري يأنبني ماودي اجرحه بس مدري كيف طلعت مني واحس انها بقت في قلبه انا من النوع الحساس ومااحب اجرح احد تكفون ايش اسوي احس انها بتبقى الكلمه في قلبه وبيتزوج عناد فيني والله ان نفسيتي تعبانه من التفكير في الحمل ومن العلاجات الي استخدمها قولو لي رايكم يعني كان ردي طبيعي واي وحده راح ترد مثلي او انا غلطانه
واذا جاب طاري الزواج مرة ثانيه قدامي ايش اقوله ورد عليه
يارب ارزقني الذريه وارزق اخواتي بنات عالم حوا .