جرحت زوجي ومو عارفة شلون اراضيه اخاف يطلقني سااعدوني :(

بنات تكفون والله تعبت من البكي بقولكم مشكلتي باختصار واتمنى ما تحكمون علي بس ساعدوني وحلو مشكلتي قبل لا يخرب بيتي 😭😭


اغاار على زوجي هو بسم الله عليه وسيم ووظيفته ممتازة ومحافظ وخلووق جدا وسمعت انه عماته وخالاته كانوا يبونه لبناتهم قبل الزواج وكثير بنات يقطعونه بعيونهم جعلهن العمى اذا مشينا بسوق واذا كانت البايعه حرمة دايم تحاول تتود له بالكلام وهو شهادة لله مايتفاعل مع احد ووفي جدا بحبه لي ودايم يشعرني باني اهم شيء بحياته وكريييم جدا واهلي يحبونه مراا وهو يحبهم


مشكلتي انا جنيت على نفسي 😭حلمت مره انه جالس مع بنت يسولف معها فقمت اوسوس وبديت اشك فيه وكان يتروش وتارك جواله بالغرفة فتحته فضول بس ولقيت محادثه بينه وبين بنت بالواتس يسالها وش اخبارها واخبار اهلها ويقولها متى تجين للرياض علشان يمرها
حسيت غضب مو طبيعي وصدمة فصورت رقم البنت وكل المحادثة علشان ماينكر وواجهته اول ماطلع من الشاور وكسرت جواله بالجدار وقمت اصرخ عليه واتهمته بالخيانه وطلبت الطلاق ورميت لعبة لبنتي على وجهه وانجرح وقام ينزف 😢😢 وقلت له انت اصلن مو رجال وماقدرت علي بالفراش فما بالك تسويها مع بنت ثانية وانا والله والله ماكنت اقصد اشكك برجولته وهالكلام قلته من القهر😭 هو نزل راسه وقال افا يابنت وشفت عيونه تبرق من الدموع لبس ملابسه وطلع برا البيت
اخر شيء عرفت من اخته انه المحادثة كانت بينه وبين اخته بالرضاعه اللي هي بنت خالته وكانت بتجي الرياض مع امها (خالته) علشان يوديهم مواعيد مستشفى
انا تسرعت جداً وماسمحت له يبرر او يرد كنت مصدومة جداً وانفجرت من القهر
ماعاد صار يرد علي ولا يكلمني وما اقدر حتى اراسله لاني كسرت جواله يجي البيت يجيب مقاضي واكل بس حتى وجهه ماراح للمستشفى علشان يعالجونه وتشوه وجرحه ملتهب 😭😭😭 كان ماحاولت اقرب منه انظف الجرح يبعدني بيده اخرتها صار يجي ويقفل على نفسه ويتجنبني
على هالحال لنا اسبوع وانا وربي مو قادره حتى اعتذر منه مالي وجه وبنتي تسالني ليه بابا وجهه كذا مو عارفه وش اقولها قاعده ابكي كل يوم كل ليلة 😭


تكفووون يابناات ابي حل شلون ارجع لي زوجي افتقدت حنانه مو عارفه نوم ولا اكل ولا شرب طول اليوم خانقتني العبرة واذا تذكرت وش سويت ابكي