سلام ياحلوات
من كم يوم سويت جريش
لبو زوجي.. وام زوجي الله يطول بعمارهم ويعطيهم الصحة والعافية :26:
المقادير
2 كوب جريش
نص كوب رز مصري
حليب جيك كبير المراعي
كاسة لبن
4 ملاعق كبار جبن سائل وواحد قشطة
ملح
بصل ( واحد كبيير )
4 فصوصو ثوم
سمنة بلدي او سمنه عادية
كركم او ملون طعام اصفر
نصف دجاجه
الطريقة
نغسل الجريش وننقعة من الليل او من بعد الغدا اذا تبينه عشا
في البداية نخلط الحليب باللبن ونضيف شوية موية نخفف فية الحليب
نصبه على الجريش ونحطة عالنار
ونضيف الرز المصري بعد مايتغسل
نبدء نحرك على طول ايدنا فية الين يغلي
ويتشرب الحليب نبدء نضيف حليب تقريبا كاسة
ونحط معاه الجبن السائل واالقشطة ونضيفها على الجريش ونحرك
ثم نضيف الملح
الجريش على النار
كل مانشوفة شرب الحليب نضيف شوي حليب الين يستوي وطبعا ماننسى نحرك باستمرار وعلى نار هادئة واذا مانتي مستعجلة ...حطية بالفرن على نار هادئة يطلع الذ
طبعا للوجة نجيب نص دجاجة مسلوقة ننتفها ونخليها بدون عظم
نسوي كشنة بصل وثوم والبهارات الصفرا وملح ونضيف لها الدجاج ونحرك سوى حتى ياخذ اللون
واذا استوت نغرف الجريش بصحن التقديم ونحط السمن البلدي ثم ملعقة او ملعقتين من الدجاج على الوجهه
تقديم ثاني
زوووووم
وبالعافية